Popularni biblijski stihovi iz Roman 5

Podeli

Sakuna Gâd ai latwanka tara ba wan marikisa: yawan kau upla saurakira nani kan, sakuna Kraist lika wan tâwan pruan.

Bara naha wihka bîla kaikaia lâka na mita, swira wan paskras sa, kan Gâd mita Spirit Holikira wankan ba bâk ai latwanka lâka ba wan kupia ra banhkan.

Bara naha baman apia, sakuna pât wahwan tilara sin yawan ban lilia sa, kan yawan kaikisa pât wahwan ba mita bapi buaia wihka bîla kaikaia lâka wankisa. Bara wihka bîla kaikaia lâka ba mita hilp wan munisa aitani kat takaia, bamna aitani kat takan ba mita wihka bîla kaikaia lâka ba yawan brisa.

Baku bamna, kasak lukan lâka ba mita Gâd mita kasakkira wan kulkisa, bara wan Dawan Jisas Kraist ba mita yawan na Gâd wal kupia kumi lâka ba brisa. Kasak lukan ba mita Kraist bâk yawan lika Gâd lamara balan, ai yamnika briaia dukiara. Bara naha yamnika sika yawan bapi na, bara lilia sa naika Gâd prana ba wan dukia briaia ba mita.

Kan yawan sip swak takras kan ba ra, Gâd mita piua mangkan ba kat, Kraist lika saurakira nani ba tâwan pruan.

Bara nanara, Kraist pruanka ba mita Gâd mita pri mai sakan sa, bara kau pali Gâd lawanka ba wina sin Kraist bâk pri mai sakan kabia.

Baha tânka ba lika, upla kumi Gâd bîla lulkan tâka ba mita, upla manis ra saurakira kulkan kan; bara baha sim natka ra, upla kumi Gâd bîla wali daukan ba tâka mita, upla manis Gâd mawanra kasakkira kulkan kabia.

Bara naha baman lika apia, kuna wan Dawan Jisas Kraist ba mita yawan lika Gâd ra lilia pali sa, kan Kraist ba mita yawan na Gâd wal kupia kumi wan daukan sa bamna.