Popularni biblijski stihovi iz Roman 11

Podeli

Kan diara nani sut ba Gâd wina aula, witin paskan bara witin dukiara baman sa. ¡Prana kabia Gâd ra, ban kaia ra! Baku kabia.

¡Nahki Gâd yuyaka lâka ba, ai sinska lâka ba, bara diara tânka kaikaia lâka bri ba tihu pali sa! Witin ai lâka ba tânka yawan mita sip tânka briras, bara ai yabalka nani tânka ba sin sip kaikras sa.

Bamna Ulbanka ba wisa: “¿Ya Dawan lukanka tânka ba brin ki? ¿Ya mita witin ra lâ smalkan ki?

Baha sim natka ra naiwa yua Israel luhpia nani kau dakni sirpi swin ba lika, Gâd ai kupia latwanka ra baha nani ba bâk saki brin. Bamna Gâd latwanka lâka ba mita sa kaka, nanara upla mita dîa daukaia sip yaba tâka mita lika apia; kan upla dauki ba mita kaka, baha lika Gâd latwanka ba kasak pali latwan lâka tânka apia sa.

Bamna tila Ju nani ba lika, sim oliv dusa tnawa nani kan klaki saki, man oliv dusa tnawa wail katma ba, baha nani watlika ra mai mangkan sa. Baku sika wakia pali ba wina dukiam briram, bara oliv dusa rayaka pali ba ra sin. Sakuna lukpara tnawa pali nani ba wal man ba kau pain sma. Man ba kau pain sma lukma ba ra, damra wals man apia sika dusa ba wakia ra alki bri ba, sakuna wakia ba sika man ra alki mai bri ba.