Popularni biblijski stihovi iz Filipaiapụ 2

Podeli

Ọ bẹnyẹ bẹnyẹ mịẹma ọ nyánáḅọ ọ ḅụ pịrị bi sọ́nyẹ goo anịgha ọ pa álála ḅọ́rọ́ pa bịpịkpọ ḅẹnyẹ, kụ́ma ọ ḅụ sitéréma jụghọ jụghọ pịrị, jẹ́apụ pa nyẹ́sị ọmịna ḅụ nẹ́ngii. Ọ pịghị jụghọ jụghọ ibi dọghụ, ọmịna ibi ngéréghaa.

Krais Jizọs nyáná mịẹ mịẹnyẹ ma anịị ọmịnị sọ nyáná bẹnyẹ.

Sámámgba ọ Tamuno fị́nị́ ḅara nyánam kụ́ma o kórómagha ḅẹ́ o kụrọ ḅara pa mịẹbẹm ori na Tamuno na gbasi. Mịma nakaragha, ori ọ ḅụ pa gbẹ́rẹ́nyẹ sọ mịẹghaa, warị omoniḅọ ḅara pa ọ ḅụ wárii. O ḅoo tumḅọ sọọm pịghị tumḅọ ḅara ḅụ ḅoo. Ọ ḅụ sitéréma nyánam, pịghị osigha nyáná fịị pịrị, ori osigha nyáná mgbẹsẹ sị́ ọgọnọ fịị ma pịrịm.

Tegó Tamuno sámámgba ọmịna ḅụ fịrị nwángịarị sị ọmịnị ine ọmịna tẹ́mẹ́bie o dọghụnyẹ mịẹ.

Anịgosi Tamuno ọ saghị sóghóloḅa angaá ma ḅụ wárim, warị ẹ́rẹ́ gonyẹ́ gonyẹ́ nẹ́ngị ẹ́rẹ́ pa ọ pịrịị. Ḅẹẹ Jizọs ẹrẹ ma ḅụ ḅụ́ọ́sịbị gonyẹ́ gonyẹ́ ẹkpẹrẹkịbẹm sobie fịnịnyẹ gonyẹ́ gonyẹ́ tuminikiri fịnịnyẹ gonyẹ́ gonyẹ́ na pịghị súghúbie fịnịnyẹ gonyẹ́ gonyẹ́ nna ḅụ́ọ́sịbị pa bịghịị, kị́nị́mamgba warị dugho wásámabẹm ḅẹ́ Jizọs Krais ori anịị Kị́nị́nyánáḅọ ma, sị pa Tamuno Daḅọ ma boma.

Nyẹ gonyẹ́ gonyẹ́ mịẹ ọḅụju ẹ́gẹ́rẹ́gha pa na pịghị kị́nị́ na nụnaghaa. Si fu ọ ḅụ labịgha ḅara pịghị fíafía Tamuno kpain awọ, n dama n dama na siiamịẹnyẹapụ tuminikiri bie ngaapụ. Nna bie o lolia sobie bia ḅara pa biabẹm.

Anịgosi, ịyẹa nángwọ́apụ, ọmịnị i bịpị pughuarị ḅara ma a ọ nana fịnị sáá, anị kọkọ ibi ḅẹẹ ọmịnị i bịpị púghú mị ḅara nẹ́ngịma mị́sa a ọ nana ófórigha sáá. Ọ pa ḅáláfá na oju sẹ́ghị pa ọmịna fịrịnwangị sị mịẹsị ọmịna dụaḅọ́rọ́ma káara.