Popularni biblijski stihovi iz Jems 3

Podeli

Kụ́ma ọ́gọ́nọ saghị ḅo opu nyẹ́nimi ma parị anị kpainm, anị pịghị diin ḅẹ́lẹ́mam, sárásárám, nangwọmiẹdim, anị pịghị tọ́rụ́kụrụkụ́rụ́ nyánam, ibi ibiamịẹnyẹ nyánam, anịị anị dipiapụ sughuarị nyẹ. Anị pịghị tọ́rụ́kúkúgha pịghị mmẹẹ́ a tọ́rụ kingigha.

Ọmịna bie opu nyẹ́nimi pịghị akanyaḅo nyánáapụ imi? Ọmịnị ọkọọ fịnị ibi duma ḅụ pa anị die, ọ ḅụ sitéréma na opu nyẹ́nimi pa ọ mịẹarịnyẹ gonyẹ́ gonyẹ́ mịẹ.

Diin miẹmiẹapụ sị diin dipi pịghị karakárá ibiamịẹnyẹ sughu sughum túminị́ ma ogbobie.

Nyẹ́mọ́ni na ịḅụ ịḅụ fịnị angaá, galagala na tọ́rụ́kịrịkị́rị́ siinyẹ, anịị anị angaá ma ḅụ fịnịfịnị nyẹ.

Anị wa pa wámịna Nyánáḅọ Daḅọ ịmịẹḅam pa ọ pịrịarịnyẹ, anị wa pịghị pa kị́nị́ wiriarị nyẹ, Tamuno ọ ḅụ dighi tẹ́mẹ́apụ ma. Ịmịẹḅam na gboonyẹ na mị gbẹ́rẹ́ bịpị ma bie saghị págháḅoarị. Ịyẹa mịnaapụ mịma ọkọfịnịbịgha.

Ḅẹ́lẹ̄ ma sọ fịnị kịkam. Anị ọ́ gbẹ́rẹ́ sii tuminikiri, gbẹ́rẹ́ angaá ḅụ fịnịarị wámịna oju bie, pịghị anị sii die wásámaarị wamịnị oju gbọrụ ḅụ. Anị fịnị pa wámịna duma gbọrụ ḅụ sua suam anịị kọrịfịnị bie saghị anị damaḅo fịnị.

kụ́ma gbẹ́rẹ́ḅọ so na ine ḅẹ́lẹ̄ ma ọlọgha, anịma anịị ịnyọfagha siinyẹ, Kị́nị́ḅa lakpo anịị anị bie bii nyẹ.

Iyẹa mịnaapụ, ọmịna ḅụ tọghaapụ nyẹ́dieapụ sọ ma. O nimiḅara ma ḅẹ́, wamịnị nyẹ́dieapụ kụ́rọḅa ḅẹ́rẹ́kọ nyánábẹm.