Popularni biblijski stihovi iz Jems 1

Podeli

Ḅẹ́ anị o bieḅẹlẹma, tọ́rụ́kịrịkị́rị́ daádighi ọmịna asọ mgbẹsẹ sa. Ọmịna míníni ine mị daádighi ma sọ́ḅa sa ọ nimim ḅẹ́ ọmịnị ngịrịma nyánámam.

Kụ́ma ḅọ́rọ́ ọmịna bie opu níminyẹ nyánághaḅọ imii, n ḅo Tamuno tẹ́ghẹ̄, ori ibima biiapụ mamgba pịrịbẹm nyẹ́kọ́magha pa.

Ọ mịma pa biekóróma ị́yẹ́ ibi mịnaapụ! Ibim ḅẹ́ kị́nị́mamgba álála nyẹ náa, kụ́ma álála ẹ́gẹ́rẹ́gha, pịghị álála bieoḅugha.

Ọmịnị árị ḅẹ́ ọmịna ngịrịma ọ dighi mú kunema lam, si, nyẹ gonyẹ́ gonyẹ́ ḅụ ọ́ káarábẹḅara, ibima sẹ, pịghị gbẹ́rẹ́nyẹ sọ bibịẹgha ḅara.

Ọmịnị oḅori pa ọ ḅụ suama ḅẹ́, ọmịnị ọrẹ ẹ́gẹ́rẹ́ ma naábẹm, kụ́ma ọmịnị anị pa fịrị ḅụ suabịgha.

Daádighi ḅụ kụrọ sẹapụ, bieḅẹlẹ nna nyẹ sọọbẹm. Ọ daádighi ma sáḅá kórómaẹrẹ nḅọ Tamuno míníni ọ ḅẹlẹmaapụ ma pịrị duma nyánábẹm.

Tamuno pịrịnyẹ gonyẹ́ gonyẹ́ ibim pịghị kpainm, sobie saghị ḅo nyẹ gonyẹ́ gonyẹ́ anị ibim pịghị kpainm Tamuno ḅara anịị anị saghị ḅoarị nyẹ.

Ọ ḅọ́rọ́ ẹ́gẹ́rẹ́ ma naam, kụ́ma anị pa fịrị ḅụ suaghaa, ọ kịkanyẹ ọ tẹ́mẹ́ dighinyẹ bie amịna ḅụ árị anị fịnị ḅara. Nnị ibiḅara pa nna ḅụ arịm, kụ́ma n tẹ́mẹ́ dighinyẹ ma wáriso gbẹ́rẹ́kiri n warị pa bieḅárámá n fịnị ḅara.

Tamuno Daḅọ árị sị kpain pịghị karakárá Tamuno nimi, ọ́ nyingi na daa ófórigha awọ ma tákubiri, na pịghị dee oforighaapụ ma nna tọ́rụ́siarị ḅụ, pịghị minigha sị tuminikiri ma n ḅọ sima.

Wa ḅọ́rọ́ ọkọ fịnị daádighi bie sọ sọ wa dughobịgha ḅẹ́, <<Mịị daádighi ma Tamuno ḅara saghịḅom>>. Tamuno siinyẹ pa ọrẹ a túminị́ daádighibịgha ori sọ pịghị kị́nị́ daádighi daádighigha. Kụ́ma wa daádighi ḅụ sọarị, wamịnị ojumẹnị wa nụ́nụ́ sị pa ofori ofori pughotarịarị siinyẹ ḅụ suamaẹrẹ.

O kúru a dugho ọ pịrị Krais asọ duaarị siminiapụ bieḅẹ́lẹ́bẹm, Tamuno n dighi sóghóloma sa.