Popularni biblijski stihovi iz Roma 6

Podeli

Nyo aye inyi edumit ono neyyau ati nesyoryo ono Hollum inyi nesu on osyo fur on ottu’to jyo Yesu Kristo Hobu hohoi.

Obeŋ adi eyyau ilettohori itai. Nyo ibyaŋata tai irata apiti hulo efahita ati irata tai apiti hulo amehino.

Onuhani nya hohoi ikonyi liye honyi ta batisimo, jo ihwa inya ibuhuniere Kristo to ye ta akwatan ono Monye, oŋida bwo fe hohoi edaha ta nesu aŋejuk.

Hesyatta aŋaco hwattek hatai jyo eyyau ihaniere erre hun orrohoji’to. Ati isyatta ahwattek hatai jyo Hollum ihwa laati hul ibuhuni’to to ye bwo fe aŋaco hwattek hatai jihonyi ihaniere egyamita hun oyiji.

Emijak hohoi jo isihoni nya ahwattek hohoi amarwak ikonyi jo oŋida ahwattek hohoi hun iyyauni’to ottohori bwo fe ebeŋ adi hohoi enyyak ipito jyo neyyau.

Oŋida bwo fe itai igigiloti jo oyei ahwattek hatai jyo neyyau ati iswoto tai to Hollum nyo inosoni itai iko Yesu Kristo.

?Anyo attadi an ejo hohoi? ?Edulo adi hohoi eyyauta jo oŋida amehino obolo? Obeŋ ’tuŋ. ?Aŋai eremik hohoi hul eye’to jo neyyau rasa manya jihonyi?

?Ibyaŋata tai imijana jo al isyatta tai ahwattek hatai iniŋyere obo, irata tai apiti honyi? Kuyya iniŋyete tai eyyau ara esidi honyi aye, kuyya iniŋyete tai ayiji ara esidi honyi alibori.

Ati humo jyo Hollum nyo itai hunya irata’to apiti hulo eyyau iniŋyete tai ihwania ta atajya hatai ettiyenita hunya ittiyenie jihatai. Bwo fe al ohohini itai jyo eyyau irata tai apiti hulo alibori.