Popularni biblijski stihovi iz Colossien 3

Podeli

tobèlènèkè dyolo, na mo phanyak’a baninga edi na mototi bophènè pardon, ko Christ aphèki beni pardon na beni bokielaka elenge ko yango dyòkò.

Mitema ma beni midyalaka michekwaki o beka byango bidi ikolo, odyala o beka byango bidi o che ka.

Na beka bichò byango beni bokiele, bokielaka byango na mitema minyòngò ko mochalo ma Mokonchi bona, odyala ma bato ka.

Kobona beni bato ba Nzambe bochonga, b’èchwa na bakonde, bochwaka mitema ma bobila na bonyòngò, na botulizaka manchoto, na bochwaka chabo kot’èchwelele

Tika mawò ma Christ madyale to o ch’a beni, bodikizane na boteyane na bokièngu bochò, na biyembo, na biyembo b’itocha, boyembelaka Nzambe biyembo o ch’a grâce na mitema ma beni. Na beka bichò, byango beni bokiele nyò na mawò nyò na matoma bokielaka bichò o kombo a Mokonchi. Jésus, na bophè Nzambe Chango ingòko tonga na wango.

Ikolo na beka bichò bi bochwaka elumba, yango edi bongièngèlè ba bokokele.

Mo beni bowumwuki na Christ owana boyengaka beka byango bidi ikolo, enongo yango Christ adi bwa ebòkò èlomi a Nzambe.

Tika phi a Nzambe ekomande o ch’a mitema ma beni, beni bobibwangiba tonga n’idyala na yango, ko bikiètè ba nchoto dyò bona. Na bochundizaka mitema ma beni.

Kobona bobomaka matoma mabè mango madi o che: bochembi, mbindo, phongo, phocha beka bibè, enyima yango edi ko echingane a machana bona

Tonga beni bobiwa na bomwè ba beni bobibombama na Christ o ch’a Nzambe.

Ko kinòwa bomichaka beka bi o ch’a beni: ibèli, mbeko, biki, echoki na mawò ma choni o ch’a mina ma beni.

Tokielanake bwanya, tonga beni bobiwongola beka ba moto mokale na matoma ma wango, na beni bobichwa moto motemu, wango anyèze wi koncha o bokièngu ba nènè, na kobona wango atubinye elenge a koncha wango etulaki wango.

Balomi, bodingaka bachi ba beni na tobotake biki na bango.

Beni bana, bowokaka mawò ma chango na yango ba beni o beka bichò tonga kobona edi enyèki o michò ma Mokonchi.

Bachi, botulizaka manchoto ma beni na balomi ba beni ko Mokonchi modinge bona.