Popularni biblijski stihovi iz मरकुस 11

Podeli

से लगिन मोंय तोहरेमन से कहाथों कि जे कुछ तोहरेमन परमेश्‍वर से प्रार्थना काइर के माँगबा, तो बिसवास काइर लेबा कि मिल जाहे, आउर परमेश्‍वर तोहरेमन के दे देई।

मोंय तोर से सच कहाथों कि जे केऊ इ पहार से इ कही कि तोंय उखइर के समुदर में जाय गिर, आउर अपन मन में शंका नी करी, मगर इ बिसवास करी कि जे मोंय कहाथों उ पूरा होवी, तो परमेश्‍वर उकर लगिन ओहे करी।

जब तोहरेमन ठड़ाय के प्रार्थना कराला, तो अगर तोहरेमन केर मन में केकरो से कोनों मनमुटाव अहे, तो उके क्षमा करबा, इकर लगिन कि परमेश्‍वर तोहरेमन केर आबा जे स्वरग में रहेला तोहरेमन केर पाप के हों क्षमा करी।

यीशु उके जबाब देलक, “परमेश्‍वर केर उपरे बिसवास कर।

यीशु आदमीमन के उपदेस देते कहलक, “पवितर किताब में इ लिखल अहे, ‘मोर घर सोउब देस केर आदमीमन लगिन प्रार्थना केर घर कहाई।’ मगर तोहरेमन इके डाकू मनक अड्डा बनाय देई हा।”

यीशु केर आगे-आगे आउर उकर पिछे-पिछे जेतना आदमीमन जात रहैं, सोउब जोर-जोर से इ नारा लगात रहैं, “परमेश्‍वर केर स्तुति होवोक, धाइन अहे उ जे प्रभु केर नाँव से आवेला।

हमर पुरखा राजा दाऊद केर जइसन एगो राजा परमेश्‍वर केर दया केर संगे राइज करेक आवाथे, धाइन अहे! परमेश्‍वर केर स्तुति होवोक, जे स्वरग में अहे।”