Popularni biblijski stihovi iz MATIYO 19

Insa awaangalia, amwesa awaambia: «Ha uwanadamu, iyo kaimukinishiha, ɓadi ha Mungu, piya umukinishiha.»

V̄av̄o kawasi tsena waili, ɓadi mwili moja. Ɓasi izo Mungu azitsanganisa, mwanadamu asuzitsapuwe.»

Adjiɓu: «Kamwasoma hari mwa uMuangishio amba Mungu aumbu rangu mwandro mutruɓaɓa na mutrumama? Amwesa arongoa: ‹Iyo ɗe imana mutruɓaɓa atsomulisha ɓaɓahe na mayahe, adzifunge na mushe wahe, na wao waili watsofanyiha mwili moja.›

Sa ile Insa arongoa: «Namulishe uwanatsa, musuwaɓalidze waja wanipara; mana Utawalizi wa Monyewe ziMbingu, wa watru mauri ɗe wao.»

Wengi walio wa handra, watsoka wa mwiso, na wengi walio wa mwiso, watsoka wa handra.»

Na mutru yotsi itsokao amba alishi ha siɓaɓu ya lidzina langu nyumba, wananyahe watruɓaɓa na watrumama, ɓaɓahe, mayahe, [mushe wahe], wana wahe, au mazamba, atsopara ata mara miya, atsopara na uhayati mukamilifu wa daima.

Insa amudjiɓu: «Neka usutsaha ike amba urahara, endra waudze izo ulionazo, uv̄e ifaida zimasikini, na v̄av̄o utsokana utadjirifu mbinguni; amwesa uje uniɗunge.»

Amudjiɓu: «Manatrini unidzisao yahusu trongo ndjema? Moja tu ɗe mwema. Neka usutsaha ungiye hari mwa uhayati wa daima, tuĩ ziãmuri.»

Nisumuambiani raha amba iyo ndzangu zaidi ngamia uv̄ira hari mwa foro la sindzano, rahana mutru tadjiri ungia hari mwa Utawalizi wa Mungu.»

Wami nisumuambiani amba mutru afunguao mushe wahe wala tsi ha siɓaɓu ya uzani, alola wangina, v̄av̄o asufanya zina.»

Wakati ule Insa aambia maswihaɓa yahe: «Nisumuambiani ha kweli, itsoka ndziro ya mutru tadjiri ungia moni na Utawalizi wa Monyewe ziMbingu.