Popularni biblijski stihovi iz إنجيل مَرقُس 13

Podeli

وْغَد تكونو مكْروهين عند الناس كاملين بْسباب اِسمي. وَلكن الّي كيصبر حتّى نالنهاية، هَداك هُوَ الّي غادي ينجا.

ردّو بالكُم! بقاو فايقين! حيت ما كَتْعرفو شي فوياخ غادي يكون الوقت.

ملّي يقبطوكُم ويدفعوكُم نالحُكم، ما تْتخلعو شي وْما تخمّمو شي في شنّو خصْكُم تقولو، وَلكن قولو غير الّي اتّعطى لكُم في ديك الساعة، حيت ماشي أنتُمَ الّي غَد تتكلّمو، وَلكن الروح القُدُس.

السما والأرض غادي يتحيّدو، وَلكن الكلام ديالي ما عُمرو غادي يتحيّد.

وَلكن ديك النهار وْديك الساعة، ما كَيْعرفوم حتّى واحد، لا الملائكة الّي في السما ولا الاِبن، غير الآب بوحدو.

ملّي تسمعو على الحروب وْخبار الحروب، ما تخافو شي، حيت لازم يوقع هَد الشي، وَلكن هَدي ماشي النهاية.

على ديك الشي بقاو أنتُمَ فايقين، حيت ما كَتْعرفو شي فوياخ غادي يجي مول الدار، في العشيّة أَو في وسط الليل أَو في الفجر أَو في الصباح. عندَك يجي على غفلة ويجبركُم ناعسين. والّي كنقول لكُم، كَنْقولوْ نالناس كاملين: بقاو فايقين!"

حيت غادي تنوض أمّة على أمّة وْممْلكة على ممْلكة. وْغادي يكونو الزنازل في مواطع مخْتَلفة وْغادي يكون الجّوع. هَد الشي هُوَ البداية د الوجاع.

وْفي الُوّل لازم يوصل التبْشير بالإنجيل نالأُمَم كاملين.

حيت غادي يجيو بزّاف بِاسمي ويقولو: «أنا هُوَ،» وْغادي يتلّفو بزّاف د الناس.

ردّو بالكُم نْنفسكُم، حيت غادي يدفعوكُم نالمحْكمات وْغادي يجلدوكُم في بيوت العبادة. وْغَد توقفو على سبابي قدّام الحُكّام والملوك باش تعطيو الشهادة لِلوم.

حيت غادي يظهرو مُسَحاء وأَنْبياء كدّابـين وْغادي يعملو علامات وْعجايب باش يتلّفو المخْتورين، إدا قدرو.

"أمّا في ديك الأيّام، من بعد هَد الضيق، الشمس غادي تظلام والقمر ما غادي شي يعطي الضَّو ديالو. والنجوم غادي يطيحو من السما، والقوّات الّي في السما غادي يتزعْزعو.