Popularni biblijski stihovi iz Matay 6

Podeli

Ndô lônge buteṉ’iṉongo ny’Anyambyè n’ôgôre wè, gambèṉè yom̃a yiṉo yôdu yi be kundô gôre ṉwè.

Sambô ayeṉaṉi añandi g’ômwanja wi mèṉè; konde mèṉè e be pikilye yom̃i yèmè. Ambe mi ntyugu mi re kwèkwè gô yô.

Yeṉo mi bulinya ṉwè inè: Alwaṉaṉi n’añandi g’ômwaṉja wi m̃èṉo yaṉi inè, ande zi be nyô ṉwè ge ande zi be jongô ṉwè, ge g’ômwanja w’ikuṽi yaṉi inè, ande zi be borô ṉwè. Em̃èṉo zi zele vyagaṉô n’inya, n’ôkuṽa vyagaṉô ni yom̃a yi borô?

Ndô awè, gô kambiṉo Anyambyè, yingiṉa gô bèdi yo, n’awè nunja p’iguge nyo, ko kambiṉa gôre Reri yo yi re gw’iyumbuṉô, ni Reri yo yi jeṉa gw’iyumbuṉô e be po gô bwe.

Sambô gambiṉaṉi yeṉo inè: Reri yazô yi re g’ôrôṽa! Ini nyo nyi ga lwaṉ’ôrunda; ipangiṉi so si ga ṽye; ntondiṉi yo yi ga lendô gô ntye ga nte dendô yô g’ôrôṽa.

Va zwè inya si re na zwè kwèkwè ṉèṉo wiṉo

ko nyeza zwè ifwem̃i sazô, ga nte nyeza zwè mongi wi fwem̃iṉa zwè

agèndya zwè gw’isoryô, ndô rômba zwè avila gw’ibe. [Konde ipangiṉa, ni ngulu, n’ivenda inyo egômbe zôdu. Amèn.]

Konde j’aṉw’anyez’aṉaga ifwem̃i saô, gambèṉè Reri yaṉi y’ôrôṽa anyeza ṉwè kè

Vônaṉ’inyoṉi s’igôṉô, si pa bèṉa ge teṉa, ge kenja gw’inagô; ndô Reri yaṉi y’ôrôṽa e nyeza sô. Aṉwè aze vyagaṉô na sô?

Agenjiṉaṉ’ ikuṽi yaṉi igumba gô ntye yiṉo, gôre intyèlèlè ni nyanga yi bundakaṉa, na gôr’ifwe yi pôduṉa ayufa; ndô genjiṉaṉ’ ikuṽi yaṉi igumba g’ôrôṽa, mbôra yi re yi zele intyèlèlè ni nyanga yi bundakaṉa, ge ifwe yi pôduṉa ayufa. Konde mbôra yi r’igumbi nyo, vovo be dwaṉ’ ôrèm̃i wo kè.

E zel’ôma re ko janjiṉe rerè mbaṉi. Konde e be numbe mori ko yè tonde mori, ntyo e be dwaṉa ni mori ko yè pèdye mori. Aṉw’ayolye janjiṉ’Anyambyè ni Mamon ta.

J’Anyambyè abory’am̃aṉi m’ôrôve nkèmbo yiṉo, mi dwaṉa ṉèṉo, ko mèṉè mô pikô gw’ inu, aworye ṉwè vyagaṉô, aṉwè y’ibekely’ijangô?

Ndô gô po mpagagi yo, ôgo wo ônyantwè w’amya nte dend’ôgo wo ôṉôm̃yè, ko mpagagi yo dwaṉa gw’iyumbuṉô; ni Reri yo yi jeṉa gw’iyumbuṉô e be po gô bwe.

Ṽandam̃iṉaṉi ko alendaṉi ômbyi waṉi gw’azô m’ aṉaga, gô jeṉô ne waô; ja yeṉo, aṉwè azele n’ ipa gôre Reri yaṉi yi re g’ôrôṽa.

Na gô penga ṉwè esônge, alwaṉaṉi n’azô m’ekèṽa, g’imbyagwaṉa, yi fweviz’azô maô gô jeṉô n’aṉaga inè, wi peng’esônge. Rèti mi bulinya ṉwè inè, wi re bonga p’ipi saô. Ndô awè, gô pengo esônge, guz’ewônjô zo agali, ko jôvuṉ’ôzô wo, ko w’ayeṉô n’aṉaga inè, ô peng’esônge, ndô kaô Reri yo yi re gw’iyumbuṉô, ni Reri yo yi jeṉa gw’iyumbuṉô e be po gô bwe.