Popularni biblijski stihovi iz Hena Waroma 14

Podeli

amu ufumwa wa Izuwa si kula na kunywa, kake ngalo na luworo na luizihiro hena Ngoma Mshenete. Amu ula emhiria Kristo ghati ya ii, emwiseja Izuwa, na ekundika ghati ya wandu.

Amu ije tuoho na moo, tuoho na moo hena Mzuri: ana ije tufwa, tufwa hena Mzuri: hena lwo io ije tuoho na moo, ana ije tufwa, tu wakwe Mzuri.

Huwora tuviratere vila viete luworo, na vila henavyo twaidima kujengiana.

Hena lwa io tusichilianewa: kake keba chilieni iki, mundu asimgere mdwawo msadara nzieni, ana kindu kya kugusha.

Amu itamiwe, Sandu nioho na moo, ateta Mzuri, ikunguru lose linenidung’utia, na lumi lose linemghamba Izuwa. Huwora ose wa hetu eneng’ola kutara kwakwe mwenye ha Izuwa.

Kake ula emnana hena luitikijo mtiigheni, nde si hena malelano ma makusaro.

Niweni ti umchilia mtumwi wa ungi? hena mzuri wakwe mwenye eimuka kana egwa. Ee, eneimushwa, amu Mzuri ena zinya kumwimusha.