Popularni biblijski stihovi iz Markos 13

Podeli

Aapimï gïn kïïdadamu bïïxi oidigi daama óídakami gin aaduñikatai aapimï. Dïï gia ix makïdï mïï ugidagïrï ukami mo ïxi kabakami gukakagi, ïgai gia kïïgakïrï bubuakimu— itïtïdai.

Gï aagai mïxi gin tïgito ajiopada tudu gin nïnïrakatai. Aanï ïr Diuxi otosadï ix makïdï aagai Diuxi ïïki dai maiti gï maatï xudu ayimu aanï— itïtïdai.

Dai mïx xïïxkadï baan gïn tutusagi buidïrï dudunukami abïr mai buamï ïrhiada mïx tïiyagi. Diuxi gïn soikïdamu aidï. Bïrai mos aagada ïïgi ix makïdï gïn ajiagi tïgibudagai. Mai xu ïïgi aapimï ñokadamu aidï, Diuxi Ibhïadï aba ïgai dai gïn ñokituldiadamu— itïtïdai Suxi.

—Bïïxi ugitimu tïbagi ïmadï oidigi dïï aanï gin ñoki gia bïïxkïrï ïr buaboikamu.

Daiñi, mai tipu xorai maatïkagi xudu dibia iñagai aanï, tomarhi ix tuma tasïrï. Diuxi tïañikarudï tïbagiïrï óídakami mai maatï tomarhi aanï ix makïdï ïr Diuxi Maradï mai maatï ïpï, mosïkaxi gin Oga aba ïgai dai maatï.

Dai maiti abïr duduadikuda kajiomakatai xi ka iimïi kokodi no xibhïkai xiïpï xi gïn kokodadan kaitada go xibhïadïrï óídakami. Bïïxi pogïduña agai gobai dïï modukai maiti abïr duduadikuda. Mai kia ugitimu oidigi di.

Dai bhodïrï maa ïgai ñoki go mamaatïrdami dai potïtïdai, —Aanï ïr go tïanïdami dukai go kii— itïtïdai. —Kaxkïdï tudu gï aagai mïxi bhai gïn dukagi mai maatïkatai xudu dibiamu aanï— itïtïdai. —Maitï maatï xi ïmo imidagai urunoko dibiamu aanï xiïpï ïran tukarï, xiïpï kujukai takuku, xiïpï maaxikai oidigi. Kïïga abïr tïgito nïida tudu, tadu dibia aanï todian dukai dai aapimï mai bhai gïn dukagi— itïtïdai. —Bïïxi odami bïïtarï idi gin ñoki tudu. Bïïxkatai abïr tïgito nïida dai nïnïraka ix dibiagi aanï— itïtïdai Suxi go mamaatïrdami.

Naana maaxi nïijadamu aapimï kia bhaiyoma. Daiñi, ïmo maa ñokadami bui surhigimu jaa ix makïdï ïr ïmamaaxi ñokadami dai podukai ïpï go gobibiernogadï jaa gïn bupui surhigimu ïpï aipakoga. Muiyapïrï gigibukïdamu oidigi dai aipako oidakamu bhiugigai. Dai gokïdï mos utudama aijimi soi ïrhiaragai, kia oidaka agai gïdukamioma soi ïrhiaragai di.

Mai kia ugitimu oidigi xi ka bïïxi oidigi daama óídakami buitapi gï aituldamu Diuxi ñokidï bhai ïrhiarakami.

Daiñi, dadimu jaa dai Diuxi ojotosadï gïr bhaitï gukakami gïn aagamu ïïgi ïgai. Podukai bupuirumadamu ïgai mui odami. Dïï aapimï abïr mai buaboituda ïgai.

Gï agadamu xi kïïga gïn nukadakagi aapimï. Daiñi, mui odami gïn kïïdadamu gin aaduñikatai aapimï. Dudunukamiïrï gïn tutusadamu ïgai. Dai kikiupiïrï gïn bapasadamu ïpï dai ami gïn gïbadamu ïgai. Gï agadamu xi baan gukada aapimï gobibierno buidïrï dai reyes buidïrï xi ami aagada aapimï ix tuixidï gin buaboitudai aapimï.

—Dai dadimu jaa ïpï daidi tïimu saidi ïr Diuxi otosadï daidi ïr gïn bhaitï kïakamiga. Dai jaa tïimu saidi ïr aituldadami Diuxi ñokidï odami buitapi ïpï. Naana maaxi iduñimu ïgai ix makïdï odami ïïgi xadïrï ixtuidana dai podukai maaxituda agai xïï gupuka ïgai. Podukai buirumada agai mui odami. Dai asta go ix makïdï Diuxi ïko bubaitu katoma buaboituda agai ïpï dïï ïgai gia xadïrï gïn buirumadana go yaatabogami.

Suxi apia maakai ñoki daidi ikaiti, —Ka daibunukai go gïï soi ïrhiaragai tami oidigi daama bai bhodïrï tukutu agai tasai ïmadï masadai. Tïbagiañdïrï surhigimu xixabugai daidi go gubukadagai bipiakami ix makïdï tïbagiïrï óídaga gigibukïdamu.