Popularni biblijski stihovi iz Mataibo 19

Podeli

Dai Suxi sïïrhi buijako nïidi mamaatïrdamigadï daidi potïtïdai, —Buaboi aba sai óídakami mai bhaiga xi kïïgakïrï gïn bubiadagi ïïgi. Dïï gia Diuxi kïïga ixtutuidikïi xi kïïgakïrï bubiadagi. Kïïga ixtutuidikïi ïgai xi ibuadagi ixtumaxi odami mai bhaiga xi ibuadagi tudu— itïtïdai.

Dai gobai itïiya ïrhidi sai Diuxi ïgai dai ïmapidi ix makïdï ka gaïmadï bii dai kaxkïdï maiti gï agai sai tomarhi ïmo odami ïjïkobaldagi ïgai— itïtïdai Suxi.

Daidi Suxi potïtïdai, —¿Maiti mïx kia nïidi Diuxi ojadïrï xako ikaiti Diuxi sai, tukamïrï idui ïgai mos arhi ïmo oki ïmadï ïmo kïïrhi?— itïtïdai. —Dai ami ikaiti Diuxi ïpï sai kaxkïdï kïkïïrhi daadagitoi dïïdïdï dai ïmadï bipiïyi oki saidi ïr oñigadïkana daidi ka ïmo odami dukai bipiïyi ïgai.

Dïï gia Suxi potïtïdai mamaatïrdamigadï, —Dagitobïrai sai gin urabana go aarhi. Maiti abïr daidada tudu. Odami ix makïdï aarhi dukai tutiakagi ïr ix makïdï bia oigaragai sai Diuxi tïanïdagi— itïtïdai.

Dai aanï aagai sai xïïxkadï gatïanïdagi aanï, amaxi go óídakami ix makïdï xibi gatïanïitadai ka maiti gatïanïda agai. Dai ix makïdï maiti gatïanïi xibi ïgai gatïanïda agai amaxi— itïtïdai.

—Daiñi, xorai dagitoagi ixtumaxi bia gin oiditai, aanï maakimu muiyoma naana maaxi xi bhai ix makïdï biakatadai ïgai. Dukami xi dagito ïgai kiikidї xiïpï susukurhidï xiïpï xixïgidï xiïpï dïïdïdï xiïpï maamaradï xiïpï dïdïbïragadï, aanï aagai sai mui bamioma biakamu ïgai xi bhai ix makïdï dagito ïgai. Dai ïkobïrakoga bïïxkïrï bïïtarï oidaka agai ïgai. Pobai gï duñimu ïgai ix makïdï dagitoagi ixtumaxi gin oiditai tudu.

Daidi Suxi potïtïdai, —Aidï gia mosïka ïmo ixtumaxi biïga— itïtïdai. —Ix buaboikïdï ipïrhidi aapi xi kïï tuigakagi ix dukai ipïrhidi Diuxi aidï gia gagarañi bïïxi gï buxtuidaga dai oidañi go tuminxi go soititigami— itïtïdai. —Aidï gia biakamu aapi naana maaxi ixtumaxi namïakami tïbagiana. Podukai duñi tudu dai gokiïrï gin uraba daidi gin oijada— itïtïdai.

Dai Suxi potïtïdai, —¿Ix tuixi kïï tuigakami gin aagai aapi? ¿Maiti pïx maatï sai Diuxi gin aagai aapi potïkai sai kïï tuiga aanï? Mosïkaxi Diuxi buaboikïdï ïr kïï tuigakïdï tudu— itïtïdai. —Dïï gia ix kïïgakïrï oidaka ïrhiadagi aapi bïïxkïrï bïïtarï aidï gia gï agadamu xi ïïgiadagi aapi go Moises sïïrhikamigadï— itïtïdai.

Bamioma mai xijaiga xi ïmo kameyo ïmo oyi dïgadïana sïïrhi daibuñagi ix bhai xi ïmo gï bidakami bakiagi xako gatïanïi Diuxi— itïtïdai.

—Dai aanï aagai sai xorai dagitoagi oñigadï dai ïmadï biyagi ïmai ka soimaaxi ibuayi aduñdï buidïrï. Ïbogiami xi oñigadï ka ïmadï daibuñagi ïmai mosïkaxi podukai bhaiga ïgai xi dagitoagi— itïtïdai.

Daidi Suxi potïtïdai mamaatïrdamigadï, —Gia xijaiga ïmo gï bidakami bïïtarï xi kïïgakïrï busiagi sai biakana ïgai oigaragai xi Diuxi tïanïdagi.