Popularni biblijski stihovi iz Mose II 20

Podeli

“Nyee nye Aƒetɔ, wò Mawu, si kplɔ wò dzoe le Egipte-nyigba dzi, afi si nènye kluvi le kpɔ la. “Mawu bubu aɖeke meganɔ asiwò le ŋkunye me o.

“Mègawɔ legba aɖeke na ɖokuiwò o. Mègawɔ nu siwo le dziƒo, alo nu siwo le anyigba dzi, alo nu siwo le tsi me le anyigba te la dometɔ aɖeke ƒe nɔnɔme o. Mègade ta agu na ɖeke alo asubɔ ɖeke o. Elabe nye Aƒetɔ, wò Mawu la, Mawu ʋãŋu menye. Mehea to na vi siwo léa fum, ɖe wo tɔ́wo ƒe vodada nu, va se ɖe dzidzime etɔ̃lia kple enelia dzi.

“Bu tɔ́wò kple nɔwò, be nànɔ agbe wòadidi le anyigba si Aƒetɔ, wò Mawu na wò la dzi.

“Ɖo ŋku dzudzɔgbe la dzi, ne nàwɔe kɔkɔe.

“Mègayɔ Aƒetɔ, wò Mawu ŋkɔ dzodzro o, elabe Aƒetɔ magbe tohehe na ame si yɔa eŋkɔ dzodzro la o.

Ŋkeke ade nàwɔ dɔ, eye nàwɔ ŋuwò dɔwo katã. Ke ŋkeke adrẽlia nye dzudzɔgbe na Aƒetɔ, wò Mawu la. Gbe ma gbe la, mègawɔ dɔ aɖeke o. Eɖanye wò ŋutɔ o, viwò ŋutsu o, viwò nyɔnu o; eɖanye wò dɔlaŋutsu, wò dɔlanyɔnu, lã siwo wɔa dɔ na wò alo amedzro si va dze wò du me la o.

“Mègabiã ŋu ɖe hawòvi ƒe aƒe ŋu o. Mègabiã ŋu ɖe hawòvi srɔ̃, eƒe dɔlaŋutsu, eƒe dɔlanyɔnu, eƒe nyitsu alo eƒe tedzi alo nu sia nu si nye hawòvi tɔ la ƒe ɖeke ŋu o.”

“Mègaɖi aʋatsoɖase ɖe hawòvi ŋuti o.

“Mègawɔ ahasi o.

“Mègawu ame o.

“Mègafi fi o.