Popularni biblijski stihovi iz Salm 103

Fy enaid, bendithia’r ARGLWYDD! Paid anghofio’r holl bethau caredig a wnaeth.

Mae wedi maddau dy fethiant i gyd, ac wedi iacháu pob salwch oedd arnat. Mae wedi dy gadw di rhag mynd i’r bedd, ac wedi dy goroni gyda’i gariad a’i drugaredd. Mae wedi rhoi mwy na digon o bethau da i ti, nes gwneud i ti deimlo’n ifanc eto, yn gryf ac yn llawn bywyd fel eryr!

Fy enaid, bendithia’r ARGLWYDD! Y cwbl ohono i, bendithia’i enw sanctaidd.

Fel mae tad yn caru ei blant, mae’r ARGLWYDD yn caru’r rhai sy’n ei barchu.

Mor bell ag y mae’r dwyrain o’r gorllewin, mae wedi symud y gosb am i ni wrthryfela.

Mae’r ARGLWYDD mor drugarog a charedig, mor amyneddgar ac anhygoel o hael!

Wnaeth e ddim delio gyda’n pechodau ni fel roedden ni’n haeddu, na thalu’n ôl i ni am ein holl fethiant. Fel mae’r nefoedd yn uchel uwchben y ddaear, mae ei gariad ffyddlon fel tŵr dros y rhai sy’n ei barchu.

Mae’r ARGLWYDD wedi sefydlu ei orsedd yn y nefoedd, ac mae’n teyrnasu yn frenin dros bopeth!