Popularni biblijski stihovi iz Eseciel 34

Dw i’n mynd i chwilio am y rhai sydd ar goll, a dod â’r rhai sydd wedi crwydro yn ôl adre. Dw i’n mynd i rwymo briwiau y rhai sydd wedi’u hanafu, a helpu’r rhai sy’n wan. Ond bydd y rhai cyfoethog a chryf yn cael eu dinistrio. Bydda i’n gofalu eu bod nhw’n cael beth maen nhw’n ei haeddu!

Fel mae bugail yn chwilio am ei braidd pan maen nhw wedi mynd ar chwâl, bydda i’n dod o hyd i’m praidd i. Bydda i’n eu hachub nhw o ble bynnag aethon nhw ar y diwrnod tywyll, stormus hwnnw.

“‘Dyma mae’r ARGLWYDD, y Meistr, yn ei ddweud: Dw i fy hun am fynd allan i chwilio am fy nefaid. A dw i’n mynd i ddod o hyd iddyn nhw.

Dw i fy hun yn mynd i ofalu amdanyn nhw, a rhoi lle iddyn nhw orwedd i lawr, meddai’r Meistr, yr ARGLWYDD.

“Chi, fy nefaid i sy’n byw ar fy mhorfa i, ydy fy mhobl i. A fi ydy’ch Duw chi,” meddai’r Meistr, yr ARGLWYDD.

“Ddyn, proffwyda yn erbyn bugeiliaid Israel (sef yr arweinwyr). Dwed wrthyn nhw, ‘Dyma mae’r ARGLWYDD, y Meistr, yn ei ddweud: Gwae chi, fugeiliaid Israel, sy’n gofalu am neb ond chi’ch hunain! Oni ddylai bugeiliaid ofalu am y praidd?