Popularni biblijski stihovi iz උත්පත්ති 27

Podeli

දෙවියන්වහන්සේ ඔබට අහසේ පින්න ද පොළොවේ සාරත්වය ද ධාන්‍ය හා අලුත් මිදි යුෂ බහුල ව ද දෙන සේක්වා! ජනතාවෝ ඔබට මෙහෙ කරත්වා! ජාතීහු ඔබට වැඳ වැටෙත්වා! ඔබේ සහෝදරයින්ට ස්වාමියා වන්න; ඔබේ මවගේ පුත්තු ඔබට හිස නමත්වා! ඔබට ශාප කරන අය ශාප ලබත්වා! ඔබට ආශිර්වාද කරන අය ආශිර්වාද ලබත්වා!”

එවිට ඒසව් කතා කරමින්, “යාකොබ් යන නම ඔහුට ගැළපෙනවා නො වේ ද? මට හිමි තැන ඔහු ප්‍රයෝගයෙන් අල්ලා ගත් දෙවන වතාවයි මේ. මගේ ජන්ම උරුමය ඔහු පැහැර ගත්තා; මෙන්න දැන්, මගේ ආශිර්වාදයත් පැහැරගෙන” යි කීවේ ය. ඔහු යළි කතා කරමින්, “මටත් යම් ආශිර්වාදයක් ඔබ ඉතිරි කර ගත්තේ නැද්දැ” යි ඇසී ය.

එවිට ඔහුගේ පිය වූ ඊසාක් පිළිතුරු දෙමින්, “ඔන්න! ඔබගේ වාසස්ථානය, පොළොවේ සාරත්වයෙන් දුරු වන්නේ ය; ඉහළ අහසේ පින්නෙන් ද දුරු වන්නේ ය. ඔබ ජීවත් වනු ඇත්තේ කඩුවේ පිහිටෙනි. ඔබේ සහෝදරයාට ඔබ මෙහෙ කරනු ඇත. එහෙත් ඔබේ නො ඉවසිල්ල වැඩුණු කල, ඔබේ කරින් ඔබ ඔහුගේ වියගහ ගසා දමනු ඇතැ” යි කීවේ ය.

ඒසව් තම පියා අමතමින්, “ඔබට ඇත්තේ එක් ආශිර්වාදයක් පමණ ද මගේ පියාණෙනි? මටත්, අනේ මටත් ආශිර්වාද කරන්න මගේ පියාණෙනි” යි ඉල්ලී ය. ඉන්පසු ඒසව් හඬ නගා වැලපුණේ ය.