Popularni biblijski stihovi iz मरकुस 13

Podeli

अर मेरा नाम की बजेऊँ सगळा मिनख थारूँ बेर राखसी, पण जखो आखीर ताँई सबर करसी बोई बचायो जासी।”

इ बजेऊँ थे समळर जागता रेहज्यो थानै कोनी बेरो क बो दिन कद आसी अर नइ थे बि दिन क बारां म जाणो।

अर जद थानै पकड़र लोग कचेरी क हवालै करीं जणा थे इ बात की जमाई चिंत्या मना करज्यो क थानै काँई खेणो ह? बी घड़ी पबितर आत्मा जखा सबद दे बेई बोलज्यो क्युं क बोलबाळा थे कोनी पण पबितर आत्मा होसी।

अकास अर धरती टळ ज्यासी पण मेरी बाता कोनी टळै।

“बि दिन अर बि घड़ी क बारां म कोईबी कोनी जाणै, नइ तो ईस्बर नगरी दुत अर नइ बेटो पण परम-पिताई बिकै बारां म जाणै ह।

अर जद थे राड़ अर लड़ायां की खबरा सुणो जणा मना डरज्यो, क्युं क आ बाता को होबो ते ह पण बा घड़ी नास की कोनी होसी।

इ ताँई थे चेता म रेह्‍ओ क्युं क थे कोनी जाणो क घर को मालिक कद आसी। आथण्या आसी क मज रात म आसी क भागपाट्या आसी नहिस दिन चढ्या आसी। अर अंय्यां नइ होज्या कदै बो चाणचुक्यो आर थानै सोतो देखै। अर जखी बाता म थानै खेऊँ हूँ बेई बात म सगळानै खेऊँ हूँ क थे सगळा जागता रेहज्यो।”

अर जात्या-जात्या प अर देस-देस प चढाई करसी। अर कठै-कठै तो भूचाळ आसी अर काळ पड़सी अर अ सगळी बाता हाल तो जच्चा क सरूका उठबाळा दरद जंय्यां की ह।

पण आ पक्की ह क आऊँ पेल्या धरती का सगळा कूणबानै चोखो समचार सुणायो जासी।

मेरा नामऊँ बोळासारा आसी अर खेसी ‘म मसी हूँ’ अंय्यां बोलर बे बोळासारा मिनखानै भंगरासी।

पण थे समळर रेहज्यो, थानै पकड़र कचेरी म सूप्यो ज्यासी अर थानै अरदास करबाळी झघा म पिट्यो जासी अर थानै मेरा नाम अर चोखा समचार की बजेऊँ पंचा, राजा अर हाकीमा क सामै खड़्यो कर दिओ जासी जिऊँ थे बानै चोखो समचार बता सको।

थानै बा दिना म झूठा मसी अर झूठा परमेसर की खेबाळा दिखबा म आसी। अर बे सेलाणी-चमत्कार दिखार टाळेड़ा मिनखानै बी भेकाबा की कोसिस करसी।

बा दिना म, बि कळेस क पाछै सूरज उजाळानै खो देसी अर चाँद बी कोनी चमकसी। अर अकास मऊँ तारा बी तळै पड़ मरसी। अर अकास की सक्‍तिया हलाई जासी जिऊँ बे आपकी झघा छोड देसी।