Popularni biblijski stihovi iz Malika 4

Podeli

Neke baho umwene asisimukage neke alikabusage ilivelo neke ajikabusage na ji ńandza neke atigilage: jigale, udzike! Neke baho ilivelo lilitamage na ji ńandza jidzilivalage. Neke alongage kuvene neke atigilage: uńeńe, gwe muhwehwe guki? Mwave, musina mufuvwa?

Neke baho livagwilage nilitulo ilikomi neke vahililage nukuhilila neke vivudzage vatigilage: mutigye je ani umwene uju? Pakuva na li livelo lipulika ku kwakwe neke na ji ńandza jikumupulika.

Umwene dzivye dzimutolile itulo kwipeku lya kyômbo, ihagamwe nikihagamulilo kya mutwe. Neke baho avene vamusisimusage vatigilage: ve mutw’ave, uveve umutima gusivava, ukuta twikŏla mukufwa?

Neke kangi avalongelage atigilage: neke lino muletage uluhala, mupulihidzage vunofu. Ikigelelo, kye mukuvagelela uńeńe avangi, mulagelelwa kikyo na juńeńe; neke uńeńe mulongeledzwa nukongeledzwa.

Neke atigilage: ve vulivo na vu vutwa vwa Nguluvi, vuli ngita munu, je isopa imbeju jakwe mumugunda gwakwe. Neke umwene akagonelelage itulo pakilo neke nimilamukile alamukage, pe kukye. Neke ijene imbeju neke jimelage neke jikulage umwene kitajivona.

Neke je ali nago amatwi ga kupulikila, apulihidzage.