Popularni biblijski stihovi iz Mateus 28

Oupwe feila o asoulängala chon ekewe mwü meinisin, oupwe papataisiir ngeni iten ewe Sam, ewe Nau me ewe Ngünmifel. Oupwe afalafaleer pwe repwe aleasochisi meinisin mine üa allük ngenikemi. Nge ngang üpwe etikemi fansoun meinisin tori lesopolan fanüfan.”

Nge Jesus a kan ngeniir o üreniir, “Nemenem meinisin won läng me fanüfan a toriei.

Nge ewe chon läng a üreni ekewe fefin, “Ousap niuokus. Üa silei pwe oua kütta Jesus ewe mi iräpenges. Esap nom ikei, a manausefälitä usun a fen apasa. Oupwe feito ikei o nenengeni ewe leni ia a kon ie.

Jesus a üreniir, “Ousap niuokus! Oupwe feila o üreni pwii kewe pwe repwe feila Kalilea, ikenan repwe künaei.”

Iwe, ekewe souasor mi lap ra chufengen me ekewe souakom o pwüngüpwüngfengen usun ar repwe föri eu ekiek. Mürin ra ngeni ekewe sounfiu chomong moni o üreniir, “Oupwe üreni ekewe aramas, pwe nöün kewe chon kaiö ra feito lepwin o soläni somän Jesus lupwen oua möür. Nge are ei pworaus epwe tori ewe kepina, äm aipwe afata ngeni pwe esap tipisimi, o ämi ousap tolong lon osukosuk.” Iei mine ekewe sounfiu ra angei ewe moni o föri mine ra öüröüra ngeniir. Iwe, ei pworaus a chöfetal lein ekewe chon Juta tori ikenai.