Popularni biblijski stihovi iz फिलिप्पियों 4

Podeli

किसे बी गल्ल दी चेंता मत करो; लेकन अर एक गल्ल च थुआड़े नबेदन, प्रार्थना, ते अर्ज थमां शुक्रगुजारी दे कन्ने परमेसर दे कोल आजर कित्ते जांन।

ओस बेलै परमेसर दी शान्ति, जेड़ी सारी समझ थमां परे ऐ, थुआड़े दिल ते वचारें गी मसीह यीशु च सलामत रखग।

एस आसतै ए प्राओ, जेड़ी-जेड़ीयां गल्लां सच्च न, ते जेड़ीयां-जेड़ीयां गल्लां आदर दे योग न, ते जेड़ीयां-जेड़ीयां गल्लां ठीक न, ते जेड़ीयां-जेड़ीयां गल्लां पवित्र न, ते जेड़ीयां-जेड़ीयां गल्लां सुहावनीयां न, ते जेड़ीयां-जेड़ीयां गल्लां मने गी भाने आलियां न, मतलब जेड़ीयां बी सदगुण ते तरीफ दियां गल्लां न, उन्दे उपर त्यान दिन्दे रवो।

मसीह जेड़ा मिकी शक्ति दिन्दा ऐ ओस च आऊँ सारा केछ करी सकना ऐं।

प्रभु च मेशा खोश रवो; आऊँ पी आ आखना ऐं, खोश रवो।

मेरा परमेसर बी अपने ओस तन दे मताबक जेड़ा मैमा दे कन्ने मसीह यीशु च ऐ, थूआडी अर एक लोड गी पूरी करग।

जेड़ीयां गल्लां तुसें मेरे थमां सिखियां, ते ग्रहण कित्तियां, ते सुनीयां, ते मेरे च दिखियां, उनेंगी गी मनदे रवो, ओस बेलै परमेसर जेड़ा शान्ति दा चश्मां ऐ थुआड़े कन्ने रौग।

थुआड़ी लींमगी सारें मनुक्खें उपर परकट उवै। प्रभु कोल ऐ।

आऊँ दीन ओना बी जानना ऐं; अर एक गल्ल ते सारीयें आलतीं च आऊँ रजना, पुक्खे दा रौना, ते बदन ते घटना सिखे दा ऐ।

ए नेई के आऊँ अपनी घटी दे कारन ए आ आखना ऐं; किके मैं ए सिखे दा ऐ के जेस आलत च ऐं; उसै च संदोख करां।