Popularni biblijski stihovi iz Varoma 6

Podeli

Handro nya gighoho khu gufa, aholu, giningwa hi gi manago ga Nungungulu khu guvbanya nya gupindruge, gumogo ni Jesu Kristo, Pfhumu yathu.

Kha gu vbwetegi gighoho gi fume gambe gwanu, kholu enu kha mu vbanyi gambe vbavbatshi nya Nayo, aholu mwa gu vbanya wuhigoni gwa Nungungulu.

Khu gu bhapatiswa hi dzingidwe gumogo ni Kristo, hi gu hengela naye gufani gwaye. Gasi hi dzi kodza nethu gu vbanya khu mavbanyelo nya maphya nya nga ya Kristo a wugidego khu ga vafudego khu tshivba ya Nungungulu Babe.

Mu nga ningelini ga gighoho sivbango nya givili gyanu mu si girani silo nya guthumele guvivba. Aholu, dzi ningeleni ga Nungungulu nga vathu va tshatugidego gufa va gu mana guvbanya. Dzi ningedzeleni wurumba wanu gu thumela Nungungulu, mu dzi gira sivbango nya guthumele silo nya gululame.

Hi ngu dziti gwadi gukhethu muthu wathu wa gale fude gumogo ni Kristo vbagihambanotunu, gasi gu pfhungumudwa guvivba gwatshavbo hi nga bani hiri nago, hifela gu tshulega wugumbini nya gighoho.

Kharato nenu, dzi gireni kha nga vathu va fudego va gu hambana ni gighoho, aholu, va vbanyago gumogo ni Kristo, va gu vbanyela Nungungulu.

Hi na khethu ginani olu? Hi na simama guvbanya gighohoni gasi wu engedzelana wuhigo, gani? Khandridzo, gima kha hi na gira kharato! Ethu hi fudego khu kota nya gighoho, hi na dzi kodza gambe kharini gu simama hi vbanyela mugighohoni?

Ina kha mu dzitini gukhenu mwa gu dzi gira dzikhumbi dza muthu, gu vbwetega mu landrisela milayo ya wule mu mu thumelago, gani? Khidzo gambe kharato: Mwa gu dzi ningela ga gighoho, mu na mana gufa; gasi mwa gu dzi ningela ga Nungungulu mu na mana guvbanya nya wuhengeli naye.

Khu guralo, a na bongwe Nungungulu! Kholu enu gale mu nga bani muri dzikhumbi nya gighoho, olu mu ngu landrisa khu myonyo yanu yatshavbo ndzila nya sihevbudzo mu hakhidego. Mu tshudwe wugumbini nya gighoho, gasi mu khale sithumi nya ndzila nya gululame.