Popularni biblijski stihovi iz Ekisodha 32

Podeli

Aholu, avbo vathu va nga wonago gukhavo Mosi a ngu hwela gu tshiga khu mugigomoni, va diya randrela Aroni va mu embela, khavo: “Hi wumbele vanungungulu va na gu hi thangelago mbeli, kholu Mosi a gu uye a hi dusidego tigoni ga Egipito, kha hi dziti gukhethu ginani gi mu manego.”

Khavbo avbo, PFHUMU Nungungulu a di embela Mosi, khuye: “Vbiredza, u relela! Kholu vathu vago, avo u nga va dusago tigoni ga Egipito va ghohide.” Kha va hwela gu penga va diga ndzila nya milayo nyi va ningidego. Va dzi wumbede githombe nya mombe nya gikete, va gi khozela, va gi ninga miphaso nya dzimhamba, va ganela, khavo: “Uwe Israyeli, oyu khu nungungulu wago a gu dusidego tigoni ga Egipito.”

Na wone esi, Aroni a di gira giluvelo mbeli nya githombe, a gu khusedza lito a ganela khu tshivba, khuye: “Mindru hi na gira buzo nya gurungudze PFHUMU Nungungulu.” Khu mindru gakone, ni dzimindru, va di ningela dzimhamba nya miphaso nya guvbiswe ni dzimhamba nya gubonge. Vathu va di khala vbavbatshi va hodza, va sela, va khuga va hana, va gu ghiya.

Khu mindru gakone, Mosi a di ganela ga vathu, khuye: “Mu giride gighoho nya gikhongolo. Aholu, muhuno, nyi na gwela ga PFHUMU Nungungulu, gufela gukheni mwendro a gu dzina saye nyi naya dzi kodza gu hakha ditshedzo nya sighoho sanu.”