Popularni biblijski stihovi iz EPESUS 5

Podeli

Ihkam anairih anak-anak Pohotala ijo tonokasih-Oh, kobain orih ihkam harus ngurahjalan monutut sutu Pohotala. Pombolum'kam kohondakoh bohomboruan bain kasih, kolou Kristus ka ngasih ihto. Io moporahpah arop-Oh ahkan ihto, kolou ihco pononga ijo buanharum tutang monyanang ahtoi Pohotala.

Tului orih nohtoanioh pio-pios cara pombolum'mu. A'ai bolum kolou ulun-ulun uong; bolum iou kolou ulun-ulun pihtar. Ngunaohrih sopios-pios nyinong kosapet ijo anai ang ihko, tului huntuh puna kotihka ihco ja'at.

Ara ihkam busou bain anggur, kobain rih ahkan morusak ihkam. Sobalikoh, hondakrih ihkam konowasa bain Roh Pohotala. Hapa tuhtui-tuhtui tahkan Masmur, monyanyi karon-tara tutang lagu rohani a'ang pander-pander'mu. Hondakrih ihkam hawui ahtoi ijo jorih monyanyi karon-tara ahkan Tuhan. Toturus tutang tohou inon ka ka'a, pios ihkam ngohawot torimakasih ahkan Pohotala, Amai, ngosan aran Yesus Kristus Tuhan ihto.

A'ai uong, tahpi nolihti inon ijo tongohondak Tuhan.

Bosai, ngasih oruh'mu, sama kolou Kristus ngasih ukup hawoi nyarah arop-Oh ahkan ukuprih.

Ihkam bongom lomoi anai ang luwang kopindong. Huntuh ihkam jari monjadi ukup Tuhan, jadi ihkam anai ang luwang koloang. Bain kotului rih ihkam harus bolum ang luwang koloang rih.

Ahkan mohoromat Kristus pios ihkam tunduk ihco umba ijo bohkon.

Oruh, mindarih umba bosai'mu kolou umba Tuhan.

Tahpi ayat orih rih anai hosambungoh ka'a umba ihkam: Kohondakrih nyinong bosai ngasih oruhoh, kolou io ngasih aropoh bongoi, tutang kohondakrih nyinong oruh bousaha ahkan mohoromat bosaioh.

Luwang Surat Borasih tonyurat, ‘‘Bain orih ulunbahkas ahkan nohtah amai-inaioh ahkan hihco umba oruhoh, tutang kododuooh ahkan monjadi ihco.’’

A'ai nguan gawi-gawi ijo eam boguna ijo tonguan kobain ulun-ulun ijo bolum ang kopindong. Tobalikoh, hondakrih ihkam momburang hal-hal mahcam orih. (