Popularni biblijski stihovi iz KESAH RASUL-RASUL 4

Podeli

Tihkas nguha Yesus iou ulun duon solamat. Tului ang sohapus Kolunon, ang louk ulun eam aro ihcobehti bohkon ka ijo ngonduon kowasa tahkan Pohotala ahkan monyolamat ihto.’’

Ulijadi iro tondo bodo'a, unuk iro mohcon rih tonyuhkuh iro paringoh konowasa bain Roh Pohotala tutang nopara nuhtui homboh bohanyi tu'u mborihta tohou Kabar Hinut tahkan Pohotala.

Huntuh, Tuhan, nohtorih koloukuwoh iro ngahtap ihkai. Tutang ngijinohrih ihkai jihpon-jihpon-Mu tuh mborihta Kabar Hinut-Mu hawui eam mihkoh.

Yesus ijo orih rih tonohou bain ayat Surat Borasih tuh, ‘Bahtu ijo eam hapan bain ihkam tuhkang mangun lahpou korinah orih, monjadi bahtu ijo mombahtang.’

Okon-okon puhpung bosara rih helan nohto kohanyin Petrus doro Yohanes, mahihino iro jari kota'an ijo duo behti rasul rih sama umba ulun-ulun aro ijo eam aro sokula, turus iro borondong ijo koduo rasul rih, anairih ulun-ulun ijo hihco umba Yesus.

Paring ulun ijo porocaya rih bolum hihcoahtoi hihcohomboruanoh. Eam aro ihcobehti ka tahkan iro ngohu ijo inon, ijo io tepuioh, anai aiuoh bongoi. Paring aang'co ijo anai aang iro, paring iro hapaoh sama-sama.