Popularni biblijski stihovi iz 2 KORINTUS 1

Podeli

Tara ahkan Pohotala, Amai tahkan Tuhan ihto Yesus Kristus. Io Amai ijo paham hinut ahtoioh, tutang Io Pohotala ijo nonga koba'as homboruan ahkan ulun. Io ngoba'as homboruan ihkai ang nyinong kosusah ijo ihkai nyuruoh, mangat hapa koba'as rih ijo ihkai norimaoh tahkan Pohotala, ihkai ka dahpot ngoba'as homboruan paring ulun ijo a'ang kosusahan.

Karot-karot ijo tonyuru bain Kristus, jari aro ihkai nyuruoh ka'a. Tutang nguha Kristus hino, homboruan ihkai mahi-mahi konomba'as.

anyamoh kolou jari tomosara hukum mahtoi iou. Tahpi hal rih nyolung, mangat ihkai ara bosikuh ang koba'as ihkai bongon, molekan aang Pohotala ijo mombolum ulun mahtoi.

Pohotala bongoi ijo nguan ihkai, tutang Konduang segah hihco umba Kristus: Iorih ka'a ijo mitih ihto khusus ahkan arop-Oh. Ahkan orih Pohotala jari monsah ihto monjadi Aiou-Oh, tutang nonga Roh Aiu ang luwang ahtoi ihto kolou jaminan, ijo Io ahkan nonga ahkan ihto paring ijo tonobowot-Oh.

Amat ihkai nyuru kosusah, orih anairih ahkan ngoba'as homboruan ihkam, demi solamat'kam. Amat homboruan ihkai tongomba'as, mahka ihkam tahput tongomba'as nyiring ihkam monjadi tabah a'ang koporos-koporos, kolou ijo ihkai ka ngarot ka'a.