Popularni biblijski stihovi iz ROMA 7

Podeli

Daddi kabadha'an kaula cara paneka: kaula ta'at ka hokomma Allah kalaban akkal sareng pekkeran kaula, nangeng tabi'adda manossana kaula, kaula kala ka dusa. Palang onggu kaula paneka! Pasera se poron masalamedda kaula dhari badan kaula paneka se ngeret kaula ka pate? Sokkor ka Allah! Salerana kasokan masalamet kaula kalaban parantara'anna Isa Almasih.

Kaula oneng ja' tadha' barang settonga se sae e dhalem aba' kaula; enggi paneka e dhalem babatek kaula menangka manossa. Sabab e dhalem aba' kaula badha pangaterro ngalakonana barang se sae, tape kaula ta' sanggup ajalannagi.

Kaula ta' ngalakone se sae se terro elakonana kaula. Sabaligga, kaula ngalakone barang se hat-jahat, se ta' terro elakonana kaula.

Mon kaula ngalakone pa-ponapa se ta' terro elakonana kaula, ganeka artena banne kaula se ngalakone sabarang ganeka, tape se ngalakone enggi paneka dusa se ngobasae aba' kaula.

Daddi menorot pandha'na, ca'na kaula, hokomma sapaneka: mon kaula ngalakonana barang se sae, barang se jahat se kalowar e kaula. Ate kaula senneng ka hokomma Allah

Daddi, mon kaula ngalakone pa-ponapa se ta' cocok sareng pangaterro kaula, ganeka artena kaula ngakone ja' hokomma agama Yahudi gapaneka sae.