Popularni biblijski stihovi iz ROMA 2

Podeli

Tape sampeyan, Tan-taretan, sampeyan dibi' ngalakone sabarang se bi' sampeyan earannagi ka reng-oreng laen! Ban sampeyan nyangka sampeyan bisa lopoda dhari hokomanna Allah? Otabana sampeyan nganggep entheng kamora'anna Allah sareng kalapanganna panggaliyanna sarta kasabbaranna se talebat rajana? Tantona sampeyan oneng ja' Allah noduwagi kasaeyanna polana Salerana kaagungan pangaterro sopaja sampeyan padha'a atobat dhari sa-dusana.

Daddi, Tan-taretan, pasera sampeyan me' nyala'agiya oreng laen? Sampeyan ta' gadhuwan pa-ponapa kaangguy abillai aba'. Sabab manabi Sampeyan nyala'agi oreng laen, mangkana Sampeyan dibi' alako padha sareng reng-oreng ganeka, sampeyan padha sareng madhateng okoman ka aba'na dibi' jugan.

Sabab Allah ta' ada'-bida'agi oreng.

Sabab oreng bagus pole hubunganna ban Allah banne polana oreng gapaneka ampon oneng ka hokomma agama Yahudi, tape polana oreng gapaneka ngalakone pa-ponapa se badha e dhalem hokom gapaneka.

Sabab Allah aparenga babales ka saneyap oreng satembang ban lalakonna.

Tape oreng se pera' mekkere aba'na dibi' ban ta' endha' ta'at ka Allah, sarta atoro' ka sabarang se jahat, oreng ganeka bakal ebendunana Allah.

Tape sampeyan cengkal ban ta' poron aoba. Daddi sampeyan dibi' se andaddiyagi okomanna sampeyan atamba raja e Are Keyamat, e bakto Allah noduwagi dukana sareng neptebbagi okoman se adil.