Popularni biblijski stihovi iz CARETANA PARA RASUL 11

Podeli

Saellana Saulus etemmo laju egiba ka Antiyokhiya. Sataon abidda se kadhuwa jareya akompol ban jema'at e jadhiya sambi morok oreng sabannya'na. E Antiyokhiya jareya parmola'anna reng-oreng se parcaja ka Isa esebbut oreng Kristen.

Sanapa'na Barnabas ka jadhiya, ban nangale'e baramma Allah aberkadi reng-oreng e jadhiya, atena ce' peragga. Reng-oreng jareya laju ebalai sopaja esto onggu ka Allah. Barnabas reya oreng se becce' atena ban ekobasae Errohna Allah sarta ce' parcajana ka Guste Isa sampe' bannya' oreng se noro' Guste Isa.

Daddi terrang, Allah apareng jugan ka reng-oreng se ta' noro' agama Yahudi, papareng se padha akadi se eparengngagi ka kaula ban sampeyan sadaja e bakto kaula ban sampeyan parcaja ka Guste Isa Almasih. Daddi, kadi ponapa kaula se alaranga Allah!” Saellana ngedhing katerrangan jareya, reng-oreng gella' ta' ngoca' pa-apa pole, laju padha amolja'agi Allah. Oca'na reng-oreng jareya, “Manabi sapaneka, reng-oreng se banne Yahudi sareng Allah eparenge kasempadan jugan kaangguy atobat dhari sa-dusana sareng odhi' se saongguna!”