Popularni biblijski stihovi iz YOSUA 1

Ingat, Ulôn ka Lôn bri peurintah ubak gata mangat gata biet-biet yakén dan beurani! Bék kheueh gata takot dan kureueng seumangat, sabab ulôn TUHAN Po teu Allah gata sabe na meusajan gata bahpi ho mantong nyang gata jak.”

Kitab huköm nyan harôh kheueh beusabe na gatabeuet keu umat Ulôn. Gata meuruno kheueh nibak kitab nyan uroe ngon malam, mangat peue nyang na teutuléh didalam nyan sabe gata peubuet. Meunyoe gata tapeubuet banmandum nyan, udeb gata teuma makmu dan meuhase.

Teuma, bah kheueh gata biet-biet yakén dan gata jeuet. Gata harôh tajaga mangat gata tataát ubak banmandum huköm nyang geupeusampoe lé Nabi Musa hamba Ulôn nyan keu gata dan bék tapeulalée hai nyan meubacutpi, teuma gata meuhase.

Meusidroepi hana nyang hase jipeutaloe gata, Yosua, siumu udeb gata. Sabab Ulôn teuma na sabe meusajan gata lagée yoh masa ilée Ulôn meusajan deungon Nabi Musa. Ulôn hana teuma Lôn tinggai gata.

Bah kheueh gata yakén dan tajeuet, sabab gata teuma tapimpén bansa nyoe bak watée awaknyan jijak u nanggroe nyang ka Ulôn peujanji ubak indatu awaknyan.

Ulôn ka lheueh Lôn peugah ubak Nabi Musa bahwa tieb-tieb wilayah nyang gata gilo atranyan ka Ulôn bri keu gata, Yosua dan meunan cit keu banmandum umat Ulôn.

TUHAN meufeureuman, “Hamba Ulôn Nabi Musa ka wafeuet. Teuma jinoenyoe bah kheueh gata dan banmandum umat Israel meusiab-siab keu tajak jeumeurang u meurandeh Krueng Yordan, dan gata tamong u nanggroe nyang Ulôn bri keu awaknyan.

Óh ka lheueh Nabi Musa wafeuet geutinggai donya nyoe, hamba TUHAN nyan, TUHAN geupeugah ubak waki Nabi Musa, nyan kheueh Yusoa aneuëk Nun.

Wilayah gata teuma meureuntang phon di padang pasi siblaih u seulatan trok u gunong-gunong Libanon di utara dan phon Krueng Efrat nyang raya nyan di siblaih u timu trok laju u bansaboh nanggroe bansa Het dan trok laju lom u Laôt Teungoh di siblaih u barat.

Soe mantong ureuëng nyang hana jitem tundok ubak keukuasaan droeneueh, atawa hana jitem seutôt peue nyang droeneueh peurintah, ureuëng nyan teuma teuhuköm maté. Bah kheueh droeneueh yakén dan beurani!”

mangat jijak keulileng banmandum khimah umat Israel dan laju teubri peurintah nyan lagée nyoe, “Gata peusiab kheueh laju beukai, sabab lhée uroe teuk gata ka tajeumeurang u meurandeh Krueng Yordan keu gata jak ubak nanggroe nyang ka geubri lé TUHAN Po teu Allah gata keu gata.”