Popularni biblijski stihovi iz Lǔkù 7

Podeli

È Bo tmɔɔ̌ mò, nynɔà ɔɔ mǒ noɛnoɛ fòɛà ɛ tee ɛle ɛ̈ moo ɔɔ kpni kukwǐ fòfoaǒ ii tè poo le wlò, kɛɛ nyopòà ü kɔn kpni kukwǐi noǎ gbeii tè poo loo wlò le uu mǒ noɛnoɛ chɛɛ̌n mǒ no.” È kě Jùsu dɛ̌a nynɔǒ je Ɔ je, “Nè kpni kukwǐi tè poo le wlò.”

È kě Jùsu dɛ̌a nynɔǒ je Ɔ je, “Nè tè wlò popoɛǒ kɔ̀nʼɔ klěě mǒ nɛ̀ gblà mò, ii tè mu, kpa plɔɔ bloblɛ.”

È ɔ nynanaǒ Jùsuu be wakǎ mǒ bo ɔ̌ fìnʼa. Ɔɔ meǒ nì ɔ nia ɔ̌ jlɛa Jùsu be le, è ɔɔ moamoa dlǒ nɛ̀ ɔ nia ɔ̌ snɛ̌a Ɔɔ be le, è ɔ̌ nyoěa Ɔɔ beǒ ɔ̌ dǔa chnɔ̌ǒ mǒ nɛ̀ ɔ chniǐaǒ Ɔ̀ɔ be kɛn le.

Mǒà Ě slě ně chɛ̀ kàan dɛ mǒ jě ɛ̈ kɔn tè Ě miǒ Mòo jemǒ di. Kɛɛ boɔ wien sosǒ ně nyebajloǒ ɔɔ kwɛ̌ mi dɛ bɔ̌ba. Mǒà Ě neeě nyopò tùu kpě bobo plě tabɔ̀ neeɔɔ̌ bobo ke. Bo tmɔɔ̌ u nyuu do mu ɔ̀ mu nu, bo da do tɔ̀ɔ diě ɔ̀ diě le, bo tmɔɔ̌ ně nyebajlo nu dɛà ɔ̀ nu ɛ ne. Tèǒ nì kɔn tè Ě ji ɛle Bò boɔ wien ně nyebajloo dɛǒ ɛ mi dɛ bɔ̌ba.” Tà Jùsu wɔ̌naa winʼǒ, ì kaenʼa Ɔ le wlò, è Ɔ chèa diblɛ̌ǒ nɛa Ɔɔ de ja Ɔ je, “Ě tmɛɛ̌ ane, Ě sěɛlǎ ɛ nyu jě bɔ̈ kɔnʼɔ tè wlò popoɛ taeà klě tà wùɛ klee kělɔ Ǐsòwɛ̌ kwɛɛn slèe chɛ̀.”

È klě tǐi doǒ wlòmo Jùsu peana nyopò fòfoa ü kmɛaa ü kɔn tìe kweǎ nea lěe mǒ klee tìe tùu kǔ sìsi nea lěe ja, è nyopò tùu ü dɔaa Ɔ̌ knɛa uu jǐ. È Jùsu tùa u kɛ̀ɛn Ɔ je, “A mu, a tmɔɔ̌ Jɔ̀ɔ̌n noǎ a wɔ̌nʼɔ klee a kpaǒo jleě mɔ̀ ii tè. Dodɔ nyo jě le plě bo klɔ̀ɔ nyo nɛ ne, è bale nyoo kweǎ wɛ̀ le, nyopòà sǔnʼu u wɛ̌n le klee kokǒ nyo duǐ měne je plě Nyesoaa win boɛɛ sònwɛ nyo je.