Popularni biblijski stihovi iz MATAYO 6

Podeli

Korende ritang’ani rigia oboruoti bwa Nyasae na oboronge bwaye, na ebinto ebio bionsi namomenterwe.

“Gaki, timwechandera ay’ankio, ekiagera ankio nariechande rinyene. Kera rituko ndiisaine nogwechanda kwaye.

“Ase ayio nabatebirie ng’a timochandeka igoro y’obogima bwaino, eki morarie, gose eki moranywe, gose ase emebere yaino, eki morabeke. Inee! Obogima tibori obonene kobua endagera? Na omobere tori omonene kobua chianga?

Korende aye ekero ogosaba, soa nyomba mwao ime, osieke egesieri, omosabe Iso oo ore bobisi; na Iso oo oyokorora bobisi nagoakane.”

“Inwe gaki, saba iga: Tata oito ore igoro, Erieta riao risikwe. Oboruoti bwao boche, Ogwancha kwao gokoreke ense, Buna kogokoreka igoro.

Otoe intwe rero endagera yaito.

Otwabere ebibe biaito, Buna intwe tokobaabera abagotokorera bobe.

Totoira ase ogoteemwa, Korende ototoorie korwa ase oria omobe. [Naki oboruoti, ne chinguru, na obonene nobwao, emiaka na emiaka. Amina.]

Naki inwe kamoraabere abanto ogosaria kwabo, naboigo na Iso oino ore igoro nabaabere inwe.

Morigererie chinyoni chia igoro! Chirochio tichiri gosimeka, tichiri kogesa, tichiri gosangereria gochia biage, na Iso oino ore igoro nigo agochirageria. Inee! Inwe timobueti rigori riabo?

“Timogacha chinibo chiaino ase ense, aase ebigwankwa na oboboosu bigosaria, na abaibi bakobochora na koiba; korende mogache chinibo chiaino igoro, aase ebigwankwa na oboboosu bitagosaria, na abaibi batakobochora na koiba. Ekiagera aase enibo yao ere, nao nenkoro yao ekoba.”

“Onde tari oranyare gokorera abanene babere, ekiagera nageche oyomo, na anche oyonde, gose nabwatane noyomo, na achaye oyonde. Timokonyara gokorera Nyasae na enibo.

Korende onye Nyasae okoboyia obonyansi bw’egetii oboreo rero, na ankio botugutwe ase omorero, Inee, takomenta kobaboyia inwe, abamore nokwegena ogoke?

Korende aye, gokorua ebiegwa, nonya nokoboko kwao gw’okobee tikomanya ekio okoboko kwao gw’okorio kogokora, ebiegwa biao binyare koba bobisi; na Iso oo oyokorora bobisi nagoakane.”

“Mwerende timokora ogokora kwaino okuya ase amasio ’abanto, erinde mororwe nabarabwo, ekiagera komogokora ayio, timori neng’eria ase Iso oino ore igoro.”

“Ekero mokweng’ata timokonyiria amasio aino buna abang’ainereria, ekiagera barabwo nigo bakonyiria amasio abo, erinde banyare kororwa nabanto ng’a mbeng’atete. Nekeene nabatebirie ng’a banyorire eng’eria yabo. Korende aye, gokweng’ata, eake amaguta omotwe oo, bwesibie obosio bwao, tobaisa kororwa nabanto ng’a mbweng’atete, korende ororekane ase Iso oo ore bobisi, na Iso oo oyokorora bobisi nagoakane.”