Popularni biblijski stihovi iz Mbete Matiye 21

Podeli

Ɓay fe a suŋ suŋ gbam ké i vbi Ŋgerzah, mí law woiri ƴo mbew ke law ye le, ke láɓ fe-u hi̧ wuri. »

Bale Zezu ɓahri : « Nzu̧y ra ho̧k wɔh ɓa ketina, mi ƴo ɓah ɓayay hi̧ wuri, law woiri ƴo mbew ke law Ŋgerzah, mí fahɓay ta law woiri ya le, i láɓ kandɔk ké mi laɓ ke kpuh nzu̧yay kaŋto ya. Wara le i ɓah ra hi̧ baw kasaw ké na sa̧-aw ɓahri, kasaw ɓá loh ke gelaw si vbu ɓil mahmbih le, fe-u ɓay laɓu gaŋ ba.

Nzuk a haniri si pol, nzuk a ɓoruri ba, si fal. Ku vba̧ nzak le, ku vba̧ ra ɓáy ɓahri : « Gun zih ŋgermbay Daviɗ, mú ya̧ na. Mgbɔkɔ Gaŋ tul feri riw ku̧ tul wo ké mu gi ke riŋ ɗina ye. Mú ya̧ na, riŋ ɗina wo mgbe si ka̧h nunmbam a síɓa sa̧. »

Ke ɓahri se : « Ŋgerzah ɓah ɓil mbete ye ɓahri, nzukri ɓay tu vul ye ɓa vul-ɓah ɓay ziŋ ni . Mí a woiri-ay ba, i sɔɓ gelu ɓa hoh nam riɓari. »

Ɓayu ɓah kandɔkay : « Í ka-kah hi̧ nzukri ké Siyoŋ ɓahri, kú ko, Mbay woyri ƴo gi ke ɗeŋ. Law ye voh lɔm. Ke kaɓ tul gun bamnde ƴo gina . »

Zezu el ɓah ra ɓáy hi̧ niri : « Ɓay ké na ɓil mbete Ŋgerzah-ay, i ki̧-ki̧, kaŋ ya le ? Kasaw ké nzuk-mboh vul kani Ŋgerzahri poŋ kan kpah ra, kasawu mí el ti̧h ɓa mah kasaw-mboh diŋ vulu . Miƴori mí hi̧ kasaway el ti̧h ɓa mah kasaw, mí ɓa fe saŋ ké nun wah .

Sa̧wu mí-i ɓah ɓay ra hi̧ wuri ɓahri se, Ŋgerzah ɓay nah ŋgerna lák mbay ye ké ndɔk woiri. Ke ɓay el ndoh ndɔk sa̧wnzuk a ɓoru ké laɓ pihna hi̧ waka ra leh lehna-u.