Popularni biblijski stihovi iz JENESIS 37

Podeli

Go Yosef e p̃erea ki nap̃erea sikai, go e noakisai taina maga asa: go eu moro sokari navilosiana adeada paki nia.

Go Israel e dodomi Yosef, p̃arua liu natuna p̃ota mamau puti, nalakena e pei natu ni navei‐tea‐matuaana aneana: go e maneana mari sugoro oraorana sikai.

Go taina maga eu punusi naga tamada e dodomi a p̃arua liu taina mamau puti; go eu pilosi a, po marisa pasa dam̃ate ki nia.

Go e moro p̃erea ki nap̃erea p̃ota sikai, po noakisai taina maga asa, po naga, P̃a leo, a po moro p̃erea ki nap̃erea sikai; go p̃a leo, elo go atelagi go m̃asoe rualima sikai tamate sikai eu kolo suai natano paki nau.

Go taina maga eu doitoi a; ma tamana e midoakisoki navasaana wanogoe.

Go e noa ki da, e naga, Kuga rogo, a pavara ni mu asa, nap̃erea waia waina a po p̃erea ki nia: Go p̃a leo, nigida tu otisoki napu maga m̃aleoputo ni vanua, go p̃a leo, napu aginau e duleana, go e lawodu; go p̃a leo, napu animu maga eu rumai daliviri, po kolo suai natano paki napu aginau.

Go tea wanogoe kuga umai, go tuga mari punue a, po nadi ki nia paki m̃orutano sikai kakada, go tuga wo noa, Nalo mila sa sikai e po gani a: go tuga wo punusi nap̃erea aneana maga euga wo dapale sava.

Go naatam̃oli seara ni naworawora ni Midian, tea vakokoto maga, eu liu ra pano; go eu puati lua Yosef po dape a sake m̃elu dua ki m̃orutano, po sori Yosef paki naworawora ni Ishmael raki matele ni silver rualima dua. Go eu piragi Yosef paki Ityipt pano.

Go eu dum̃ada noa ki da, eu naga, Kuga leo, tea p̃erea waia e umai.

Go eu punusi a uvea, go ragi waina e ko da umai paki m̃aladigi ki da mau, eu seke dip̃a e naga euga mari punue a.

Go Reuben e noa ki da, e naga, Kuga ta daki nada mau; kuga nadi ki nia paki m̃orutano waia waina e doko masop̃alo, ma kuga ta nadi ki nam̃elearumu asa mau: naga ega vualua e m̃elu dua ki nam̃elearuda, naga ega viragi a liliu umai punusi tamana.