Popularni biblijski stihovi iz JENESIS 27

Podeli

Go Sup̃e ega tua ko nasovaki ni nakoroatelagi, Go nam̃anopunopuana ni maramana, Go korn go waine ega laapa: Narei maga euga manigo suasua, Go nalauna maga euga suai natano paki‐go: P̃a vei nawota dap̃au taim̃a maga, Go p̃ilam̃a natuna maga euga suai natano paki‐go: Tea mamau puti waina eu pasasa ki‐go, euga vei tea vasasakiana, Go tea mamau puti waina eu pasa m̃ata ki‐go, euga vei tea vasam̃atakiana.

Go e noa, Nagisana e da pei tea soso‐gara‐ana ki Yakob kite? Nalakena e po sielua au paka rua waia: e dape lua tea ni naveitakalapa‐ana aginau; go p̃a leo, ragi waia e po dape lua navasam̃atakiana aginau. Go e noa, Ku da maginau mauti navasam̃atakiana sikai kite?

Go tamana Isaak e pasadara po noa ki nia, e naga, P̃a leo, natokoana anigo ega wo doko nam̃anopunopuana ni maramana, Go nasovaki ni nakoroatelagi waina e pae elagi umai; Go p̃a wo mauri ki lova anigo, go p̃a wo magi taim̃a suasua; Go ragi waina p̃a wo pilakoto, P̃a wo marip̃ori nakau ni nanoa aneana ega m̃elu dua ki nanoam̃a.

Go Esau e noa ki tamana, e naga, Ku peani navasam̃atakiana sikai maau, mama, kite? P̃a vasa m̃ata ki nau, p̃a moro pasa m̃ata ki nau, mama O. Go Esau e sike nadaleona, po dagi.