Popularni biblijski stihovi iz Luùm 5

Podeli

Kɛɛ wo Dayà wò wi tɔ̀ɔ̀ e mànaàŋ wò kuwa weè wilɛ̀, nààŋ wò naŋ nyimèè wèè wo Jisɛ̀ Kulaì wo fà weè wi, jòòpɛɛ è yààìŋ wa anyùùŋ maŋ jùumù.

Ke jii tùlia yɛɛ̀ fè wi zuwò, esaɓù kɛ̀ wo Dayà gbìàŋ e mànauŋ nɛ̀ maŋ jii wi màŋ sùà, esàɓù wo Jìnàŋ Nɛɛmaàŋ wo yèɔ wò naŋ wi kiɛ̀ŋ wɔ.

Kɛɛ tii fè è gbiŋ! E gèìŋ ɓɛìŋ zɔlɔ̀ e keì nyìnga wilɛ̀ sùà, esaɓù èiŋ nyìmàŋ kɛ̀ e keì nyìnga kpuumàŋ wì eiŋ kùwà koɓɛ̀ guùŋ kpaŋ e kìlà e zɔ̀kpɔ̀ fè wi nyɛ̀nɛ̀ŋ è hààwe wilɛ̀ sùà. Koɓɛ̀ guùŋ kùwa kpaŋ e hààwe wilɛ̀ sùà nyɛnɛŋ wo Dayà wo wi jàà kùàŋ dìì, yèè sèè wò jàà wì kùàŋ dìì, è doiŋ nàŋ kɛ̀ɛ̀nɛ̀ŋ ke jii tùlia.

E yìwìà e hààwe wilɛ̀ sùà, wo Dayà wò wi jàà kùàŋ dìì wèè eiŋ nɔ̀ŋ anyùùŋ tɔ̀ɔ̀nyaàŋ, yèè è kùwàìŋ naàŋ ke jii fàa koɓɛ̀ Dayài esàɓù wo Kana wiɔ̀ Jisɛ̀ Kulaì sùà. Wò wi hiàŋ e yìwìà e hààwe sùà koɓɛ̀ e tɛ̀ɛ̀tɛ̀ɛ̀ Dayàa è yèɛ e gòiŋ tomo weè niŋ lɛ̀, e kìlà e yèɛ è joàìŋ naàŋ sùà lɛ. Weètii e zɔlɔ̀ yaà wì, nààŋ è kùwàìŋ ke jii tùlia wèè eiŋ nɔ̀ŋ aŋ bàwibà e jòòwò Dayàa sùà.

E teengaà e zɔ̀kpɔ̀ yàwì wa lɛ̀, wo Jisɛ̀ Kulaì naŋ fɔ̀ wèè yàwi nààŋ nyuùŋ nyɛ̀nɛ̀ŋ maŋ tùwo naanààŋ nyaŋ e teengaà wo Dayà naŋ wa tàeɗùù lɛ.

Nààŋ wo Dayà naŋ wi naàŋ jàà kùàŋ dìì wèè eiŋ nɔ̀ŋ anyùùŋ tɔ̀ɔ̀nyaàŋ, esàɓù e ɗewe kiiɛ̀ wo Jisɛ̀ Kulaì naŋ wa fɔ̀ lɛ, e nɛ̀ŋ bà ngèè kòò è yaà weè wi è kuwa sɛmɛ weè wi e fàa kiiuŋ nɛ̀ sùà, tiŋ nàŋ yaà kɛ̀, wo Jisɛ̀ do wi wa nàwèè nàŋ joeyè e yìwìà e nìmìlàa wo Dayà kuwa weè wilɛ̀ sùà.

Màànààŋ nɔŋ yàwi nààŋ gbiŋ naiŋ wa nɔ̀ŋ anyùùŋ maŋ jùumù esàɓù e jùùmù wo nyùùŋ guùŋ lɛ, wo Adamàŋ, e ɗèwè guùŋ bi sùà wo Dayà naŋ wi jàà kùàŋ dìì esàɓù e tɔ̀ɔ̀nyààŋ wo nyùùŋ guùŋ, wo Jisɛ̀ Kulaì.

Kɛɛ tii fè è gbiŋ. È gèìŋ zɔlɔ̀ esàɓù e nɛ̀ɛŋ wo Dayà naŋ nyɛ̀nɛ̀ŋ e yìwìà wo Kanaà Jisɛ̀ Kulaì sùà lɛ, wo yèɔ naŋ jàànè e mɔ̀ɔ̀nɔŋ wilɛ̀ koɓɛ̀ Dayài wɔ̀.