Popularni biblijski stihovi iz Mga Buhat 4

Ang kaluwasan makaplagan lamang diha kaniya kay dinhi sa kalibotan wala nay laing ngalan nga gihatag sa Dios ngadto sa katawhan nga maoy makaluwas kanato.”

Human sila mag-ampo, nauyog ang dapit nga ilang gitigoman. Ug silang tanan napuno sa Espiritu Santo ug sa walay kahadlok nagwali sa mensahe sa Dios.

Ug karon, Ginoo, tan-awa kining mga pagpanghulga nga ilang gibuhat ug hatagig kaisog kaming imong mga sulugoon sa pagsulti sa imong mensahe.

Si Jesus mao ang gihisgotan sa Kasulatan nga nag-ingon, ‘Ang bato nga gisalikway ninyong mga magtutukod ug balay nahimo hinuon nga labing mahinungdanong bato.’

Ang mga sakop sa Labawng Hukmanan natingala sa gipakitang pagkamaisogon ni Pedro ug ni Juan ug sa ilang nasayran nga kining mga tawhana wala diay makaeskuyla. Ug nasayran nila nga mga kauban diay sila ni Jesus kaniadto.

Ang pundok sa mga magtutuo nagkahiusa sa hunahuna ug kasingkasing. Ug wala kanilay miingon nga siya ray tag-iya sa iyang kabtangan kondili silang tanan nag-ambitay sa tanang mga butang nga ilang gihuptan.