1
MGA PANULTIHON 4:23
Ang Biblia, 2011
ABCEB
Himoa ang imong kasingkasing nga mabinantayon kanunay; kay gikan niini nag-agas ang mga tubod sa kinabuhi.
2
MGA PANULTIHON 4:26
Pagmatngon sa agianan sa imong mga tiil, ug ang tanan nimong mga dalan malig-on.
3
MGA PANULTIHON 4:24
Isalikway gikan kanimo ang daotan nga pagpanulti, ug ipahilayo gikan kanimo ang sukwahi nga pagsulti.
4
MGA PANULTIHON 4:7
Ang sinugdanan sa kaalam mao kini: Batoni ang kaalam, ug bisan unsay imong makuha, batoni ang pagpanabot.
5
MGA PANULTIHON 4:18-19
Apan ang agianan sa matarong sama sa kahayag sa kaadlawon, nga nag-anam ug kahayag ang pagdan-ag hangtod sa pag-abot sa kabuntagon. Ang dalan sa daotan sama sa hilabihan nga kangitngit; sila dili mahibalo kon unsa ang ilang napandolan.
6
MGA PANULTIHON 4:6
Ayaw siya biyai ug siya manalipod kanimo; higugma siya, ug siya magbantay kanimo.
7
MGA PANULTIHON 4:13
Hupti gayod ang pahimangno, ayaw siya buhii; bantayi siya kay siya mao ang imong kinabuhi.
8
MGA PANULTIHON 4:14
Ayaw pagsulod sa agianan sa daotan, ug ayaw paglakaw sa dalan sa mga tawong daotan.
9
MGA PANULTIHON 4:1
Pamati, O mga anak, sa pahimangno sa usa ka amahan, ug pamati, aron makahibalo kamo ug mga maayong hunahuna