Popularni biblijski stihovi iz MATEO 28

Busa sa inyong pagpanglakaw himoang mga tinun-an ang tanang kanasoran, nga magbautismo kanila sa ngalan sa Amahan ug sa Anak ug sa Espiritu Santo, nga magtudlo kanila sa pagtuman sa tanan nga akong gisugo kaninyo, ug tan-awa, ako mag-uban kaninyo kanunay hangtod sa kataposan sa kapanahonan.”

Ug si Jesus miduol ug miingon kanila, “Ang tanang kagahom sa langit ug sa yuta gihatag kanako.

Apan ang anghel miingon sa mga babaye, “Ayaw kamo kahadlok! Nasayod ako nga nangita kamo kang Jesus nga gilansang sa krus. Wala siya dinhi, kay nabanhaw siya sumala sa iyang giingon. Dali kamo, tan-awa ninyo ang dapit diin siya nahimutang.

Ug si Jesus miingon kanila, “Ayaw kahadlok, lakaw ug ingna ang akong mga kaigsoonan sa pag-adto sa Galilea ug didto makita nila ako.”

Ug nagtigom sila uban sa mga kadagkoan ug nagsabot. Unya ilang gihatagan ug salapi nga plata ang mga sundalo ug giingnan, “Sultihi ang mga tawo, ‘Ang iyang mga tinun-an miadto sa kagabhion ug gikawat nila siya samtang nangatulog kami.’ Ug kon modangat kini sa mga dalunggan sa gobernador, kami ray mahibalong mopasabot kaniya ug malingkawas kamo sa kasamok.” Busa gidawat nila ang salapi ug ilang gibuhat ang gitudlo kanila ug kining maong sugilanon mikaylap ngadto sa mga Judio hangtod niining adlawa.