Popularni biblijski stihovi iz LEVITICO 26

Ug maglakaw ako sa taliwala ninyo ug ako mahimong inyong Dios ug kamo mahimo nga akong katawhan.

ako maghatag kaninyo ug mga ulan sa ilang panahon ug ang yuta maghatag sa iyang mga abot ug ang mga kahoy sa kapatagan maghatag sa ilang bunga.

“Kon maglakaw kamo diha sa akong mga lagda ug tumanon ninyo ang akong mga sugo ug buhaton ninyo kini

Maghatag ako ug pakigdait diha sa yuta ug manghigda kamo ug walay bisan usa nga makapahadlok kaninyo ug kuhaon ko ang daotan nga mga mananap gikan sa inyong yuta ug dili motadlas sa inyong kayutaan ang espada.

Ako mag-atiman kaninyo ug himoon ko kamo nga mabungahon ug padaghanon ug lig-onon nako ang akong kasabotan uban kaninyo.

Ako mao ang GINOO nga inyong Dios nga nagkuha kaninyo gikan sa yuta sa Ehipto aron kamo dili maulipon nila. Ug gibunggo nako ang trangka sa inyong yugo ug gipalakaw nako kamo nga tuyhad.

Ibutang nako ang akong puluy-anan sa taliwala ninyo ug ako dili magdumot kaninyo.

“Ayaw kamo pagbuhat alang kaninyo ug mga diosdios ug ayaw kamo pagpatindog ug kinulit nga larawan o haligi nga bato, ug ayaw kamo pagbutang ug bato nga kinulitan diha sa inyong yuta aron magyukbo kamo niini, kay ako mao ang GINOO nga inyong Dios.

Magkaon kamo sa daan nga abot nga dugay nang gitipigan ug habwaon ninyo ang daan tungod kay adunay bag-o.

Ang lima kaninyo mogukod sa usa ka gatos ug ang usa ka gatos mogukod sa napulo ka libo ug ang inyong mga kaaway mangapukan sa inyong atubangan pinaagi sa espada.

Ang inyong paggiok molungtad hangtod sa pagpamupo ug ang pagpamupo molungtad hangtod sa tingpugas ug magkaon kamo sa inyong pan ngadto sa pagkabusog ug magpuyo kamo nga layo sa kakuyaw diha sa inyong yuta.

Gukdon ninyo ang inyong mga kaaway ug mangapukan sila sa inyong atubangan pinaagi sa espada.

Matngoni ninyo ang akong mga adlaw nga igpapahulay ug pagbaton kamo ug kataha sa akong balaan nga dapit, ako mao ang GINOO.