Popularni biblijski stihovi iz Yokana 15

Podeli

“Ise kumusabibu, inywe muli tsisakya. Umuundu yeesi uba mus'iise, nga nase n'imba mu niye, umuundu uyo amakho bibyaamo bikali, lwekhuuba akhali ise, mbaawo sheesi munyala khukhola ta.

Ni mube mus'iise, ni nase kane iname mus'iinywe. Nga lusakya ni lukhanyala khukhwaama bibyaamo lwonyene nga siluli khu shisina she kumusabibu ta, ni nanywe muryo, noola nga simuli mus'iise ta, singane munyale ta.

Ni muba mus'iise ni bilomo byase byaaba musinywe, ni muloomba shoosi sheesi mukana, nanywe mulishifuna.

Sishili ndi inywe mumwandobola ise ta, ne ise niye uwabarobola inywe. Luundi nabangala ndi mutsye mwame bibyaamo, ni bibyaamo byeenywe bibe bye khubawo biilo ni biilo, ni Paapa abawe shoosi shoosi, sheesi mumuloomba, mu lisiina lyase.

Mbaawo khukana khukhuundi khukhufuura khuno ta: umuundu khuwaanayo bulamu bweewe, khulwe basaale beewe.

Buli lusakya lwase lulukhaama bibyaamo ta, Paapa alukhala walurusawo. Ne buli lusakya lulwaama bibyaamo, alukhalila nio lwiloosele khukhwaama bibyaamo bikali.

“Likaambila lyase nilyo lino: ni mukananatsake mwenyene na mwenyene, nga ise ni nabakana inywe.

Ari mu shino, Paapa afumisibwe, munyale khukhwaama bibyaamo bikali, mwiyokesane khuuba baleekelwa baase baŋali.

Yesu weloosela, waaloma ari, “Ise niye kumusabibu kwa ŋali, ni Paapa wase niye umulimi.

Umuundu yeesi ukhaba mus'iise, atuumibwa aleeyi, nga lusakya ni lutuumibwa, lwooma. Tsisakya tsitsoomile batsibuusa atweela, batsituuma mu mulilo, batsoosha.

Nababoolele bino nio akile kumwikhoyo kwase kube mus'iinywe, naluundi nio kumwikhoyo kweenywe kube kumwitsufu.

Inywe ni muwaamba kamakaambila kaase, kane mubaatsake mu khukana khwase, nga nase ni maambatsaka kamakaambila ka Paapa, naarama mu khukana khweewe.

Lino nilyo likaambila lyase is'inywe: ni mukanane mwenyene na mwenyene.

Inywe muba babaali be shiibala khali shiibala shibakanile, nga babaasho; ne shiibala shibabiiyila inywe khulwekhuuba simuli babaasho ta. Ise nabarobola nywe khurura mu shiibala.