Popularni biblijski stihovi iz Iovani 11

Podeli

He kī ia e Ietū: —Ko au te meꞌe haka ora i te taŋata mai te mate. ꞌE ko au te meꞌe vaꞌai i te ora. Te taŋata ⌊haka moe i te manaꞌu⌋ ꞌi ruŋa i a au, ka mate atu, e ora haka ꞌou nō. ꞌE te taŋata ora haka moe i te manaꞌu ꞌi ruŋa i a au, ki te hora hopeꞌa e ko haka tapa mai muri i te ꞌAtua. ¿E haka moe rō ꞌana koe i tuꞌu manaꞌu ꞌi ruŋa i te meꞌe nei?

He kī haka ꞌou e Ietū: —¿Kai kī atu ꞌō e au, mo haka moe mai ōꞌou i tuꞌu manaꞌu ꞌi ruŋa i a au, he takeꞌa e koe i te pūai o te ꞌAtua?

He pariŋi te matavai o Ietū.

I ꞌite era e Ietū i tū parau ꞌāpī era he kī: «Te hopeꞌa o te māui-ui era taꞌe he mate; he meꞌe nō mo haka takeꞌa i te pūai o te ꞌAtua ꞌe, takoꞌa, i te pūai o te Poki o te ꞌAtua».

I oti era te kī i tū meꞌe era, he ohu: «¡E Rātaro, ka eꞌa mai koe mai nā!». He eꞌa ia a Rātaro ko ora haka ꞌou ꞌā, ko te viri iŋa ꞌana te hakari ꞌe te ꞌāriŋa hai kahu viri o te nuꞌu mate. He kī ia e Ietū: «Ka kume-kume te kahu ꞌai ka haka rē rō i a ia ki haꞌere».

He haka hāhine ia a Ietū ki te kona era ꞌi ira te hakari o Rātaro koia ko haka ꞌaroha. Te kona nei he ꞌana e puru rō ꞌā hai māꞌea nui-nui e tahi.

He kī haka ꞌou e Ietū: —Ko haꞌuru ꞌā te tātou repahoa ko Rātaro, ꞌe ꞌī e au he oho he haka ꞌara.