Popularni biblijski stihovi iz Matyu 15

A̱wot a̱lyiat na̱ ghwut a̱bwonu a̱yin a̱ni, na̱ ni̱ neet ma̱ a̱di̱dam mi̱ fwuo nggu wu wa. Ni̱nia ni̱ tyia̱ nggu a̱na̱ndyung wu. Mat mi̱ fwuo hwa nang a̱ka̱tuk a̱di̱dam wu nghwut; hyat a̱yin, katnaan, kuzang tangka̱i a̱shi̱shi̱k nyia̱, tsang, bwoi a̱ka̱laa, ma̱ng tyam á̱ghyang.

Kyang ku nwuai a̱bwonu a̱yin a̱ni, huhwa tyei gu a̱na̱ndyung wu bah; si̱ a̱lyiat na̱ ghwut a̱bwonu nggu ka a̱ni, ni̱nia tyei gu a̱na̱ndyung wu.”

‘Á̱niet bani dyep nung ma̱ng nunu hwa. A̱wot nfwuo mba na shya̱ ma̱ zan ma̱ng a̱nung. A̱wot ntong nang ba̱ kwok nung ndyo a̱ni, ku yet a̱buk nta̱m wa. Mat tyiet mba hu yet tyiet taada á̱nietbishyi ja ma̱nyin ji. A̱wot ba̱ si̱ tyiet á̱ghyang á̱niet jii nang tyiet ku neet da̱ a̱vwuo A̱gwaza a̱ni.’ ”

Yesu si̱ nwuak gu shim hu nyia̱, “A̱ya, a̱yang a̱li, nwuak fwuo ang hu shi ba̱t! Kyang nang a chat a̱ni, n na nyia̱ ang dyo.” Mi̱ di̱ yong a̱hwa nggwon a̱nap nggu ka si̱ kin choot kiki!

A̱nap a̱wa si̱ neet a̱ ba̱ kpaat a̱khwukhwut, a̱ si̱ kyuak ntong a̱zaghyi Yesu. A̱ si̱ ya a̱son ma̱ng naai nggu nyia̱, “A̱tyoli, ma̱sa̱kut beang nung!” Yesu si̱ nwuak gu shim di̱ kidee nyia̱, “Á̱ nyia̱, ku myim á̱ kyiak kyayak mman á̱ ta a̱ka̱bwu ndyo bah.” A̱nap a̱wa si̱ nyia̱, “Ii, a̱tsak a̱lyiat wa, A̱tyoli. A̱mgba̱m ma̱ng a̱nia, á̱ ni̱ shim a̱ka̱bwu na̱ tang chunchong nkyayak ji, ji̱ kwa̱i tafa a̱tyii a̱tyoli mba ka a̱ni.”