Popularni biblijski stihovi iz Matyu 10

“Nyi fa̱k, n ta̱m nyin nang zón seap a̱ni da̱ a̱vwuo a̱ka̱bwu a̱yit. Mat a̱nia, si̱ nyi swan cham nang zwák a̱ni. A̱wot nyi sang a̱ka̱kpa̱t nang a̱yaabwa a̱ni.

Ka̱ nyi nwai swuán nyin ji, nyi na nwai ji. A̱wot ka̱ nyi nwai swuán nyin ji da̱nian nung, nyi na shya̱ swuán sang sangba̱p ji.

“Nyi yok fa̱k a̱wun á̱niet ba̱ chat hyat vam nyin hu a̱ni bah. Mat á̱niet a̱bya si̱ mi̱n hyat swuan nyin ji bah. Da̱ a̱kwonu a̱kya, nyi fa̱k a̱wun A̱gwaza nia ma̱nyin gu. Nggu wa maai a̱ hyat vam hu ma̱ng swuan ji a̱mali a̱nga̱ngak ndong sang sangba̱p ka.

Ka̱ nyi lak kyiak a̱team a̱khwu nyin wu nyi si̱ faat, a̱wot nyi si̱ khwi nung, nyi maai nyi yet á̱si̱ nung bah.

Mat a̱nia, konyan wa shim a̱ si̱ tak ma̱ng á̱ghyang á̱niet kpa̱sai nang gu ngyet a̱tyu khwi nung wa, nung meang, n na shim n tak kpa̱sai nang nggu ngyet a̱si̱ nung wa a̱zaghyi A̱tyia̱ nung ka a̱ shya̱ tswazwa ka a̱ni. A̱wot konyan wa fwuo nyia̱, da̱ a̱ yet a̱tyu khwi nung mi̱ swanta hu a̱ni bah, nung meang, n na fwuo nyia̱, da̱ a̱ yet a̱tyu khwi nung bah a̱zaghyi A̱tyia̱ nung wu a̱ shya̱ tswazwa ka a̱ni.”

Nyi choot á̱niet nzwán ba. Nyi shyi̱ri̱p á̱niet ba ba̱ ka̱n kwi a̱ni ma̱ng swuan. Nyi choot á̱niet gbap ba. Nyi bu khai á̱ka̱tuk ntswá ba̱ ghwut ma̱ á̱niet ba. Ma̱nang á̱ nang nyin a̱ni, nyin meang, nyi ma nang a̱nia di̱ mi̱n san zang.

Mat a̱nia, nyi yok fa̱k a̱wun bah. Nyi swak sot a̱bachyuang a̱ka̱man na mi̱ yet hu da̱ a̱vwuo A̱gwaza!

“Nyi yok fa nyia̱ n bai ma̱ng swat nyinyang hwa mi̱ swanta hu bah! Kaai, n bai ma̱ng swat nyinyang hwa bah. N bai ma̱ng tswat ghai á̱niet ja!