Popularni biblijski stihovi iz Иоанныҥ 1-кы самаразы 4

Podeli

Сӱӱште коркыш јок, је толо сӱӱш коркышты чыгара сӱрӱп јат, нениҥ учун дезе коркыш кезедишле колбулу. Коркып турган кижи сӱӱште толо кемине јетпес.

Слер Кудайдаҥ, балдар, олорды јеҥдигер, нениҥ учун дезе слердиҥ бойыгарда Јӱреечи, телекейде јӱргеннеҥ јаан.

Бис Оны сӱӱрис, нениҥ учун дезе Ол бисти озо сӱӱген.

Кару улузым! Бой-бойыбысты сӱӱйли, нениҥ учун дезе сӱӱш – Кудайдаҥ. Сӱӱп турган кажы ла кижи Кудайдаҥ туулган, ол Кудайды билер.

Сӱӱбей турганы, Кудайды билип албаган, нениҥ учун дезе Кудай – ол сӱӱш.

Сӱӱш дезе, Кудайды бис сӱӱгенисте эмес, је Ол бисти сӱӱп, бистиҥ кинчектерис учун јараштыраачы эдип Бойыныҥ Уулын ийгенинде.

Кару улузым! Кудай бисти анайда сӱӱп турган болзо, бис те бой-бойыбысты сӱӱр учурлу.

Ол ажыра бисти јӱрӱм алзын деп, Кудай телекейге Бойыныҥ сок јаҥыс Уулын ийген. Мынызыла Кудайдыҥ сӱӱжи бистиҥ бойыбыста ачылган.

«Мен Кудайды сӱӱп јадым» деп айдып, бойыныҥ карындажын јаман кӧрӱп турган кижи – тӧгӱнчи. Кӧрӱп турган карындажына карузыбазы, кӧрбӧй турган Кудайды сӱӱп болбос.

Иисус – ол Кудайдыҥ Уулы деп јарадып турган кижиниҥ бойында Кудай јӱрет, ол Кудайдыҥ Бойында.

Мындый јакылтаны Оноҥ алганыс: Кудайды сӱӱп јӱргени, бойыныҥ карындажына да карузып јӱрзин.

Кару улузым! Болгон-тушкан тынга бӱтпегер, је тындарды ченегер, олор Кудайдаҥ ба деп, нениҥ учун дезе телекейге кӧп тӧгӱн јарлыкчылар чыккан. Кудайдыҥ Тынын мынайда билип аларыгар: эт-канла келген Иисус Христосты јарадып турган кандый ла тын – Кудайдаҥ.

Эт-канду келген Иисус Христосты јаратпай турган кандый ла тын – Кудайдаҥ эмес, ол антихристтиҥ тыны. Слер бу антихристти келип јат деп укканыгар, эмди ол качан ок телекейде.