Popularni biblijski stihovi iz Avafilipi 1

Podeli

Sweno, ngwihuvila ukuta Nguluvi yeavanzile ikipigo iki ikinofu mwanyenye, agina ukukivinia mbaka kikwilanikile mu kimunyi cha Kilisito Yesu.

Lwengwifunya lwe ulu; ndisuka uwende wenyu wuginage ukongelekela ukulutila pamwinga nu wuseela wa nachene na lweluvesaga luhala, sambi muhwane ukuhagula ulukani ulunoje hilo. Ipo pepene pemuva mwesiwe simwilongwa fivi mulukani lweluvesaga lula pa ikimunyi kila cha Kilisito.

Kulubali lwangu, ukunana ye Kilisito, na ukufwa kwileta ukwambula kukomi.

Ngumulumba Nguluvi vangu pembesaga nguviwuka

Sweno, ulukani ulukomi kwekuta imigendele jenyu ginatilage chetwisaka Ulukani Ulunofu lwa Kilisito, sambi wone nywane ukusa ukwenyu na apangi wone neeme sambi ndipulikile nambi padodo hela ukuta mwimile mukange mwidonya lukani lumwi mbeluli na ukuta mwihoma ligalu we mwilaganila kumwi mbemuli ukwimila ulufuuwo lwa Ulukani Ulunofu.

Chendidoboka na uluhuvi lwangu ukuta mwambesili nene sineema ukukwisa ikipigo changu, pesi ukuta mba na mutima mukangafu imisika mbegili na hilo ulusika ulu, sambi ukukola uwunani wangu mbewuli, mbe muwumi nambi mufwa, ndimuletele Kilisito ululumbo.

Pakuva nyenye mwivapele uwunofu mukumupigila Kilisito si ukukola hela ukumufuuwa pesi kangi ukukola ukuteseka ukwimila umwene.