Popularni biblijski stihovi iz Romanos 8

Ó noheni kixin Díos la tsjinki̱tsa kixin kaín nkehe la chrókꞌuaxrje jína kixin ti sin tjue̱he chꞌan, kixin kꞌuéye̱he̱ chꞌan sin kixin xi̱kaha tjinkaon chꞌan.

Méxra̱ ó noheni kixin ninkehó nkehe tsjachahya tsakítsjeheni ti tjue̱he Díos ti jeheni. Kjónté ti itsꞌeni, o̱ kjónté ti tjejóchóni, o̱ kjónté ti sin ángel, o̱ ti kjuachaxíen ti jínahña, o̱ kjónté ti nkehe sítóhen ijie, o̱ ti nkehe tso̱hen chrꞌéxi̱n, o̱ ti nkehe siín nka̱jní, o̱ kaín ti nkehe siín chrínkí nonte, o̱ íjnko nkehe kjuíchꞌéna Díos. Kohya ninkehó nkehe tsjacha tsakítsjeheni ti tjue̱he Díos ti jeheni kixin kjua̱ko̱xi̱n chꞌan kixin Ìnchéni Jesucristo mé kꞌuenyákonhe̱n ti jeheni.

La xi̱kaha ti Ncha̱kuén Díos la tjinki̱tsa ti jeheni kixin noehñani nkexrín tsonixje̱he̱ni Díos. A̱ndá ti Ncha̱kuén Díos tjinki̱tsa nixja̱xi̱n ti jeheni, kjónté tjachahyani jína tsonixje̱he̱ni Díos.

¿A̱ndá nkehe chróchroni? Ti tjue̱he Díos ti jeheni la, ¿xá nkexro chrókjuacha chrókónínkakohen ti jeheni?

A̱ndá ijie ti sin tinkáchónki Cristo Jesús la í kohya ijie̱ chrókjuasótexín sin. Jehe sin la í tjinkakonhña sin sinchexiteyá sin ti nkehe ndáchro a̱sén sin. Jehó tjinkaon sin sinchexiteyéhe sin ti Ncha̱kuén Díos.

Ti sin jehó tóxakohen ti nkehe ndáchro a̱sén ó, la táha tsꞌenxín sin. A̱ndá ti sin tóxakohen ti nkehe kuènté Ncha̱kuén Díos, la tsochóntaxín sin kjuachón la ko kjuaxróxin tsꞌejó sin.

Kaín tíha la a̱ntsí chrókjua̱cha̱xi̱ni kixin kjuachaxíen ti nkexro tjue̱he ti jeheni.

A̱ndá ijie la tóxakuenhñani kjónté nkehe tsꞌatsínkani tsjasótexíni kixin tíha la ninkehó sínkíhya, kixin tíha tso̱yóe̱hya ti nkehe tsꞌáyéhe̱ni chrꞌéxi̱n kixin a̱ntsí náxrjón tíha.

¿Xá nkexro chrókjuacha chrókuakitsjehe ti jeheni ti tjue̱heni Cristo? Kjónté chrókjuasóteni o̱ chrókónínkaon chojni o̱ kjónté chrókꞌuenxíni kjinta o̱ chróchóntahyani ikéni o̱ siín kjuaxikaon chrókꞌuenxíni la mé chrókjuachahya tíha.

Díos mé nohe nkehe tóhen a̱séni la ko nohe nkehe nixja ti Ncha̱kuén chꞌan, kixin ti Ncha̱kuén chꞌan chrónóa̱xi̱n éxi tjinkaon Díos, la nixja̱xi̱n chꞌan ti sin tinkáchónki Díos.

Kixin kaín ti nkexro nchexiteyéhe ti Ncha̱kuén Díos la tꞌóna xje̱en Díos.

Ti chojni tjinkaon sinchexiteyéhe ti nkehe ndáchro a̱sén sin, mé táhó tjenka̱yáxin sin. A̱ndá ti sin tjinkaon nchexiteyéhe Ncha̱kuén Díos la xritjeyá sin ti nkehe kuènté Ncha̱kuén Díos.

Kixin Díos la kjuikuénhña ti Xje̱en, kjuajon kꞌuenyákohe̱n chꞌan kaíni, a̱ndá ti ó kjuajon Díos ti Xje̱en, la kjá kaín ti íso nkehe la tsjajon chꞌan.

Mé xi̱kaha ti Ncha̱kuén Díos tónoexín a̱séni kixin kꞌónani xje̱en Díos. La ti ó kꞌónani xje̱en Díos la kja̱xin tsꞌáyéhe̱ni ti nkehe tsjajon chꞌan éxi tsíndáchro chꞌan ósé, tsꞌáyèkoni Cristo. Mé ti chaxín tsjasóteni éxi Cristo kjuasóte, ndá chrꞌéxi̱n tsꞌejókoni chꞌan la tsꞌáyéhe̱ni ti kjuachaxin kuènté chꞌan.

Méxra̱ ti nkexro jehó tóxakohen tsjeyá ti nkehe ndáchro a̱sén ó la nínkakohen sin Díos, kixin tjinkakonhña sin ti ley la ko xitjahya tsitekaon sin tíha.

Kaín ti nkehe tsíkꞌóna la tjejóchóhen kixin tso̱noxín kaín ti nkexro tsíkꞌóna xje̱en Díos.

Ó noheni kixin kaín ti nkehe kjuíchꞌéna Díos la na̱xa̱ tꞌèya, tsjánka éxi ijnko chojnichjin tjoté sinchekokjíhi xje̱en xi̱kaha.