Popularni biblijski stihovi iz Lucas 3

Ndá na̱xa̱ tjakꞌechjinahña Juan, ti na̱xa̱ kui̱ki̱te chꞌan chojni la kja̱xin chꞌin Jesús kuikite. A̱ndá na̱xa̱ tjenixje̱he̱ chꞌan Díos la xitje̱he̱ nka̱jní *ndá ti Ncha̱kuén Díos kꞌuinkajin éxi ijnko kontóá tsjehe la kjuákꞌe chritaón ikja chꞌan. La kuíhin sin itén nkexro nkaya nka̱jní ndáchro: ―Jaha mé xja̱na imá tjua̱há. Imá chàna kixin nchexiteyá.

A̱ndá chꞌin Juan ndáche kaín ti sin tjejó ntiha: ―Janhan mé ìnta̱ ó tíki̱texián chojni. A̱ndá ti nkexro itsi chrꞌéxi̱n mé tsi̱ki̱texínra ti Ncha̱kuén Díos la ko xrohi. Jehe chꞌan la a̱ntsí tꞌe̱to̱an ke janhan. La hasta tósuàna chrókjuásinta̱nka̱ ti correa to̱ka̱té chꞌan.

*Ticháxi̱n jína tsꞌejora, la tsjáko̱xinra kixin chaxín kjuitóxi̱nra ti nkehe tjénka̱yáxinra. La chrókjui̱nchenkehyara kixin kꞌuaxrjeníxinra Abraham, kixin janhan ndáxrja̱n kixin kjónté ti ixro̱ i la Díos tsjacha sichꞌéna chojni tsíkꞌaxrjeníxin Abraham.

*Ti hacha ó tjechóhen tsochrijinxín ti inta. A̱ndá kaín inta tꞌónahña ito jína la tsochrijin kixin tsoche.

*Éxi tjenixín ti xroon tsíkjin Isaías, ti nkexro kꞌuéchronka itén Díos ósé, ndáchro: Tsihin sin itén ijnko nkexro tsjakꞌe nte̱je̱ tsꞌèya tsondáchro: “Tóxakohanra ncheyóxinra nti̱a tsi̱xi̱n Ìnchéni Takitjéhéra ijnko nti̱a ndoí. Kaín tsa̱ka mé tso̱yóxin, la ko kaín ijna̱ la ko kaín itjo tsito̱he yóxin, la ko ti nti̱a tsíxrèya mé tsoxrentoá, la ko kaín ti nti̱a yóxinhña la tso̱yóxin. Mé xi̱kaha kaín chojni chjasintajni tsꞌikon sin kixin Díos tsaáxin sin.” Mé xi̱kaha ichro itén Díos.