Popularni biblijski stihovi iz Hebreos 1

Ti Xje̱en Díos mé tꞌinkaséñaxín ti kjuachaxin kuènté Díos, la ko éxi itjen Díos, itjen chꞌan. Méxra̱ ti xje̱en chꞌan tꞌayakohen kaín ti nkehe siín kixin ti kjuachaxin ijié chónta ti itan nixja chꞌan. La ti kjuixin kjuínchetjóá chꞌan ti ijie̱ chóntani, ndá sákjui̱ chꞌan kjuákꞌetja̱xi̱n chꞌan ti itja chjina kuènté Díos.

Ti imá ósé mé Díos nixje̱he̱ ti sin tsíkꞌaxrjeníxini, nkoya̱xón nixja chꞌan la ko nchónhña nkehe kjua̱ko̱xi̱n chꞌan kixin chrókienxín chojni; nixja̱xi̱n chꞌan ti sin kꞌuéchronka itén Díos ósé. A̱ndá ijie ti ña̱o tsjixixín la Díos ichrꞌán ti Xje̱en kixin tsochronkaxín ti itén Díos tsihini. Kjuachaxíen Díos la ko ti xje̱en chꞌan mé kꞌónaxín nka̱jní la ko chjasintajni la ko kaín ti nkehe siín, la ti xje̱en Díos mé tsꞌáyéhe̱ kaín tíha.

Kaín ti sin ángel chꞌehe Díos ixra̱ la Díos ichrꞌán ti jehe sin kixin tsjinki̱tsa kaín ti chojni tsꞌáyéhe̱ kjuachón.

*Kja̱xin ndáchro: Ìnchéni, ti xránkíxixín la jaha kjui̱chꞌéna chjasintajni, la ko itjá kjui̱chꞌénaxián nka̱jní. Kaín ti nkehe la tsꞌitjáña, kjánchó jaha la nkochríxín tsjakꞌe. Kaín ti nkehe la tsinkákjeje̱ éxi iké chojni xi̱kaha